Arrasate, kooperatibagintzaren erakusleiho

Kooperatibismoa

Lau egunez, astelehenetik gaur arte, Bilbon ospatzen ari den GSEF 2018k Arrasatera erakarri ditu esperientzia kooperatiboan interesa duten ehunka lagun. Bisita guztiak Kulturaten hasi dira, Udalak antolatutako erakusketan, eta bertatik zenbait kooperatibetara abiatu dira ondoren, besteak beste, Fagor Arrasatera eta Arizmendi Ikastolara.

2018/10/04

Arratsaldeko hirurak Arrasaten, Kulturate, iritsi dira bisitariak. Mundu osotik Euskal Herrira gerturatutako 60 pertsona baino gehiago, ekonomia sozialak erakarrita eta bereziki Mondragon-eko esperientzia kooperatiboak. Autobusetik jeitsi dira, Bilbotik datoz, bertan ospatzen ari baita GSEF 2018 (Global Social Economy Forum), alegia, kooperatibagintzaren munduko biltzarra.

Arrasateko Udalak, biltzar erraldoiaren dimentsioaren jakitun, erakusketa bat antolatu du Kulturaten kooperatibismoaren berri emateko, ibilbide bat eskaintzeko, izan ere kooperatibagintza herri marka da eta GSEF erakusleihorik onena bilakatu da kooperatibagintzaren iragana, oraina eta etorkizuna ezagutzera emateko.

Bisitak kooperatibetara

Erakusketa bisitatu ondoren, espedizioa talde txikietan banatu eta kooperatiba ezberdinak ezagutzera abiatu da, bai industria arlokoak edo eta hezkuntzakoak, banaketakoak eta finantza arlokoak. Arizmendi Ikastola eta Fagor Arrasate dira gaur aukeratu dituzten kooperatibetako bi. Bisitariek bertatik bertara bi enpresak ezagutzeko aukera izango dute.

Astelehenetik gaur arte bisitari asko gerturatu da Arrasatera, guztira 300 lagunek parte hartu dute horietan guztietan eta gaur egingo da azkena, udalaren harrerarekin.

Argazki bilduma: https://www.flickr.com/photos/tulankide/with/44180403715/