Irakurriena
- 1. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 2. Espainiako Bankuko gobernadoreak MONDRAGON bisitatu du
- 3. Errekak Darwin Biomed startuparekin bat egin du, Health linea bultzatzeko helburuarekin
- 4. Ingeniaritza eta Zerbitzuen Dibisioa Advanced Factories-en egongo da
- 5. Arizmendi ikastola, 20 urte
- 6. Parte-hartze handia LagunAro BGAEren 2024ko ohiko batzarrean
- 7. LKS Next Estatuko lehen 100 teknologikoen artean, 2023ko fakturazioaren arabera
- 8. Kooperatiben Korrikako argazki galeria ikusgai
- 9. Aldapako Korrika arrakastatsua
- 10. Laboral Kutxaren 'Zentzua' esperientzia, TU Lankideren gai nagusia
Arizmendi ikastolako hiru ikasle Estatu mailako EYP saioetan izango dira Bartzelonan
EYP ekimenak gazteen pentsamendu kritiko eta independentea sustatzea du helburu; ideiak ordenatu, defendatu, argudiatu eta jendeaurrean aurkeztu behar dituzte gazteek, eta hori guztia, ingelesez. EYPren saioek hiru zati izan ohi dituzte: talde lana (Teambuilding), batzorde lana (Committee Work) eta batzar nagusia (General Assembly).
Ekitaldietako epaimahaiek hizkuntzaren erabilera eta proposatzen diren gaien ezagutza politikoak baloratzen dituzte. Parte-hartzaileen lankidetza- eta errespetu espiritua ere behatu eta baloratzen diren alderdiak izaten dira. Bartzelonan egon ahal izateko, aurretik EYP eskualdeetako saioetan parte hartu zuten Gasteizen otsailaren 14tik 16ra, Kattalin Linazisoro, Amaia Rivera eta Maddi Urkiarekin batera, guztiak Almeneko Batxilergoko ikasleak.
Mireia Muruamendiaraz irakaslearen laguntza izan zuten ikasleek Gasteizen. Eztabaidetan lege proposamenak defendatu behar izan zituzten, edo beste batzuen proposamenen kontrako argudioekin erantzun. Asteburu osoan zehar beste bost ikastetxetako ikasleekin elkarlanean aritu ziren.
Esperientzia interesgarria
Gasteizen bizitako esperientzia eta EYPren edizio honetan parte hartzera bultzatu zituen arrazoiak kontatu dizkigute protagonistek. “Interesgarria iruditu zitzaigun zenbait gaien inguruan eztabaidatzeko eta proposamenak bilatzeko aukera ematen zigulako” adierazi dute Arizmendi Ikastolako ordezkariek. Astebukaera nola joan den galdetuta; “Ostiralean talde jolasak egin genituen. Talde jolas eta dinamikak egin genituen. Nire komitearen gaia, esate baterako, terrorismoaren ingurukoa zen. Egia esan, jolas ezberdin eta orijinalak egin genituen. Arratsalde dibertigarria izan zen. Larunbatean, berriz ere taldetan, gure gaia lantzen aritu ginen, proposamenak sortzen eta argudioak lantzen. Igandean eztabaidarako momentua heldu zen. Talde guztiak elkartu ginen gai ezberdinez jarduteko”.
Euskadiko ikastetxeetako ikasle mordoa ezagutzeko aukera izan dute Almen guneko ikasleek. Guztira 5 ikastetxeetatik hartu dugu parte Gasteizko EYP edizio honetan. Jende ezberdina, ideia anitzekoak eta benetan argiak. "Bikaina izan da jende hau ezagutzea eta elkarrekin proposamenak sortzea".