Irakurriena
- 1. Danobatek AEBetako trenbide-merkatuan duen posizioa indartu du Delta Wheel Truing Solutionsen erosketa estrategikoarekin
- 2. Duinduz proiektua: etxez etxeko zainketen lan-baldintzak hobetzeko
- 3. Mikel Mujika Estensoro, Orkliko Konfort eta Osasun negozioaren zuzendari berria
- 4. “Eskerrak eman nahi dizkiegu proiektua posible egiten duten guzti guztiei"
- 5. Adolfo Plaza: «Gure entitatearen asmoa da gizartearentzako aurrerapen bateratua lortzea, inor atzean utzi gabe»
- 6. Danobatek 20 milioi euro inbertitu ditu Elgoibarko egoitzan berrian
- 7. LABORAL Kutxa Frantziako Tourrean izango da
- 8. Gipuzkoako Bazkundeak saria eman dio MLAKoop kooperatibari
- 9. Arkaitz Etxezarreta, Errekako zuzendari nagusi berria
- 10. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
“Konexio Digitala ikastaroa erraza, dinamikoa eta oso praktikoa izan da”
"Konexio digitala" programa lehen urratsa da Internet, sare sozialak, bideo-konferentziak... edota “on line” ikaskuntza-plataformak eskaintzen dituen aukera guztietara iristeko.
MONDRAGON Korporazioak eta Lagun Aro EPSVk bultzatuta eta Udalaitz kooperatibaren laguntzarekin, Mondragon Unibertsitateak eta Nexek diseinatu eta eman dute ikastaroa. Haren diseinuan, ikaskuntza metodologia berri guztiak sartu dira eraginkorra, erakargarria eta lanarekin bateragarria izan dadin. Hala nola, “gamifikazioa”, erronketan oinarritutako formazioa edo ikaskuntza soziala eta tutorizatua bezalako metodoak erabiltzen dira.
Lehen saio pilotuan, 15 pertsonek hartu dute parte, eta guztiek oso balorazio positiboa egin dute. Igone Larrañagak eta Oneka Ezkurrak azaltzen dutenez, “modu erraz eta dinamikoan oinarrizko informatikaren kontzeptu berriak ikasi ditugu, guretzat ezezagunak zirenak, baina gero eta beharrezkoagoak eguneroko bizitzan. Etorkizuna digitala baita; hori argi dago”.
Ikastaroaren bigarren edizioa laster hasiko da. Mundu digitalera konektatu nahi duten MONDRAGONeko kooperatibetako langileei zuzenduta egongo da.
Mugi Digitalera
Lehenengo Konexio Digitala programa hau Mugi Digitalera barruan kokatzen da, pertsonen etengabeko birkualifikazioa sustatu nahi duen ikaskuntza-plataformaren barruan. Iñigo Larrea, MONDRAGONeko Talentuaren Kudeaketaren arduradunak azaldu duenez, “badakigu kooperatibek erronka disruptiboei aurre egiten ari direla, hala nola trantsizio berdeari edo negozioen eraldaketa digitalari. Erronka horiei guztiei aurre egiteko, pertsona proaktiboak behar ditugu, beren bizitza profesionalean kualifikazioaren ardura izango dutenak. Modu berean, ibilbide horretan laguntzeko tresnak eta baliabideak eskura izatea ere beharrezkoa da”.
Aukera digital berrietan trebatzeko plataforma hau, kooperatiben beharren arabera osatuko da, momentuan momentuko beharretara egokituta.