Elikagai bilketa solidarioa abiatu du Arizmendi Ikastolak

Abenduaren 9tik 12ra bitartean egingo da kanpaina Arizmendi Ikastolaren gune guztietan. Ikastolako gune ezberdinetan jarriko dituzte elikagaiak jasotzeko kaxak eta batutako guztia Elikagai Bankuaren esku lagako da. 

Hain justu ere, Elikagai Bankuaren eskaerari jarraituz, hauek dira jaso nahi dituzten lehentasunezko produktuak: Lekaleak (babarrunak, dilistak…), arroza, pasta, tomatea kontserban eta arraina kontserban. Era berean, haurrentzako produktuak ere batuko dituzte, fardelak eta pure ontziratuak, besteak beste.

Abenduaren 9tik 12ra bitartean egingo da kanpaina Arizmendi Ikastolaren gune guztietan

Arizmendi Ikastolatik ohartu nahi diete kanpainan parte-hartuko duten familiei sahiestu beharreko produktu sorta ere badela, bereziki gozokiak, esnea eta kakao-hautsa. Produktu horiek guztiak ez dituzte batuko.

Arizmendi Ikastolak kanpaina honetan parte hartzera animatzen ditu lehintz Ibarreko herritar guztiak, "ekarpen txikiak eginda ere, gure inguruko hainbat familiari lagunduko diegulako", adierazi dute Arizmendi Ikastolakoek.