Unibertsitatea eta enpresa batuko dituen proiektu aitzindaria Aretxabaletan

Ezagutza

Irtenbide profesionalak.

Irakaskuntza unibertsitate zentroa

Mondragon Unibertsitateak eta Goiena Komunikazio Taldeak eraikin berria estreinatuko dute Aretxabaletan 2012an. Bertan integratuko dituzte bi enpresek komunikazio, formazio eta berrikuntza egitasmoak, Europa mailan aitzindari eta berritzaile den proiektu batean. Campusean 100 profesionaletik gora bilduko ditu proiektuak.

Card image cap — MU eta Goienaren eraikinaren proiektua.

2011/05/16

Prebisio guztiak betez gero, Mondragon Unibertsitatea 2012ko irailean hasiko da bertan eskolak ematen eta Goienak data hori baino lehenago tokiz aldatu beharko du. LKSk diseinatutako zentroak jasangarritasunari dagozkion irizpide guztiak beteko ditu. Kutsatzen ez duten materialak erabiliko dituzte, PVCaren alternatibak, eta diseinuaren ikuspuntutik, ingurura egokituko da.

Mondragon Unibertsitatearen Aretxabaletako Ikus-entzunezkoen Fakultate berriak eta Goienak konpartituko dituzte zenbait espazio eta komunikazioarekin lotutako jarduerak jarriko dituzte martxan elkarrekin, kazetari multimediaren ikuspuntutik. Horrez gain, berrikuntza-proiektuak egingo dituzte eta fakultateko ikasleek Goienan egin ahal izango dituzte euren praktikak: telebistan, paperean edo Interneten.

Proiektuaren nondik norakoak, MUtelebistan

MUtelebistan egin dute Aretxabaletako Campusaren gaineko erreportajea, eraikitze-lanak nola doazen kontatuz. Humanitate eta Hezkuntza Zientzien Fakultateko adarra. Campus berrian Mondragon Unibertsitatea (Ikus-entzunezko komunikazioa) eta Goiena Komunikazio Zerbitzuak elkartuko dira, lehena aspaldiko eraikin industrial berritu batean eta bigarrena eraikin erabat berrian.