"Pertsonak, digitalizazioa eta transformazioaren etorkizuneko erronkak", aurtengo Enpresarean Azokan

hausnarketa eta ikerketa prospektibo - estrategikoetarako egitura independiente bat da, sektore publiko nahiz pribaturako.

Finantza eta aseguru zerbitzuak.

Irtenbide profesionalak.

MONDRAGON Korporazioko ordezkaritza zabala izango da aurtengo Enpresarean Azokan. Besteak beste, Iñigo Larreak, MONDRAGONeko talentuaren gestioaren zuzendariak; Nuria Agirrek, Laboral Kutxako pertsonen gestioko arduradunak; eta Ibon Zugastik, LKS eta Prospektikerreko kideak parte hartuko dute.

2018/10/12

Bai Euskarari Elkarteak eta Gipuzkoako Foru Aldundiak enpresa eta profesionalen sarea indartzeko Enpresarean Azoka antolatu dute. Urriaren 25ean egingo da, Orona Ideoko Gallery aretoan, Hernanin, goizeko 9etatik 14:30ra. Bertan, pertsonen, digitalizazioaren eta transformazioaren etorkizuneko erronkak aztertuko dituzte, eta horretarako, Euskal Herriko erakunde, enpresa eta korporazio nagusienetako ordezkariak izango dira.

Ekintzailetasuna sarituko da

Enpresarean Azokan, gainera, ekintzaileei zuzenduriko Arin-arin saioa egongo da. Parte-hartzaileek haien ideiak edo proiektuak hiru minututan azaldu beharko dituzte, arin eta labur. Bai Euskarari Elkarteak eta Gipuzkoako Foru Aldundiak osaturiko epaimahaiak parte-hartzaileen aurkezpenak baloratu eta irabazle bat hautatuko dute, ekimena gauzatzeko 2.000 euroko laguntza eskainiz.

Ekintzaileek 2.000 euro irabazteko aukera izango dute

Helburua da onuragarriak izan daitezkeen eta garatzeko aukera duten ekimen berritzaileak ezagutzea eta ekarpenak egitea, sormena garatu zein elkarlanerako bide berriak irekitzea. Baloratuko da proiektua berritzailea izatea eta garatzeko aukera izatea.

MONDRAGON, Eitb, Spri...

MONDRAGON Korporazioak ordezkaritza zabala izango du jardunaldian. Besteak beste, Korporazioan Talentuaren Gestioaz arduratzen den Iñigo Larreak esku-hartuko du, baita Nuria Agirrek (Laboral Kutxa) eta Ibon Zugastik (LKS eta Prospektiker) ere. Izen-ematea oraindik zabalik dago programa osoa ere honako hau izango da.

Egitaraua

Jardunaldia 8:30etatik 14:30etara izango da, askotariko hitzaldiak eta solasaldiak jasoko dituen egitarauarekin. Egitarau osoa.

Izen ematea honako helbidean: Enpresarean webgunean.