Pepe Mujica MONDRAGONen izan zen

Jose "Pepe" Mujica Uruguaiko presidente ohia hil zen herenegun, maiatzak 13, 89 urte zituela, azken hilabeteetan okerrera egin zuen hestegorriko minbiziaren aurkako borroka luze baten ostean. Latinoamerikako ezkerreko pertsonaia enblematikoa izan da Mujica, eta mundu osoan aitortu zuten bere bizimodu soilagatik, justizia sozialarekiko konpromisoagatik eta garapen komunitarioaren balioak defendatzeagatik.

2010 eta 2015 artean presidente izan zenean, bere ikuspegi politikoak, ekitatean eta elkartasunean oinarritua, giza balioak dituen politikaren erreferente orokor bihurtu zuen. Mujicak gaitasun handia zuen diskurtso sinple, sakon eta zuzenak egiteko, balio humanistetan oinarritutako garapenarekin oso konprometituak.

MONDRAGONera bisita
2013ko ekainean, Mujicak Korporazioa bisitatu zuen, Europara eta Txinara egindako bidaia ofizial baten barruan. Egonaldian, orduko Kontseilu Orokorreko presidente Txema Gisasolarekin bildu zen, hezkuntzari eta kooperatiba prestakuntzari buruzko ideiak trukatzeko. Bisita honek agerian utzi zuen eredu ekonomiko alternatiboekiko interesa eta Uruguain garapen kooperatiboa sustatzeko nahia.

Hemen duzu 2013ko ekainaren hasieran Korporaziora egindako bisitaren kronika.

Nazioarteko komunitateak atsekabea adierazi du Mujicaren galeragatik, umiltasun, gizatasun eta koherentzia politikoko ondarea nabarmendu baitu. Uruguaik hiru eguneko dolu nazionala ezarri du Mujicaren omenez.