Olano diputatu nagusiak Erreka bisitatu du

Pasa den astelehenean izan zen Antzuolako egoitza nagusian Markel Olano, kooperatibak azken urteotan martxan jarri duen dibertsifikazio eta berrikuntza proiektua bertatik bertara ezagutzeko.
Card image cap
Antton Tomasena eta Cristina Etxegoien, kooperatibako zuzendari eta lehendakaria; Markel Olano diputatu nagusia; Javier Oleaga, Osagaien Dibisioko lehendakariordea; eta Iker Estensoro, Ekonomia Sustapeneko zuzendaria.
2022/05/26

2021ean 60 urte bete zituen kooperatibarentzat, etorkizunaren zutabe nagusiak dira: dibertsifikazioa, berrikuntza irekia, hazkunde jasangarria, digitalizazioa eta kalitatezko enplegua sortzea. Horiek aspektu guztiak izan dira asteleheneko bisitaren hizpide. Bertan izan dira Gipuzkoako Foru Aldundiaren izenean Markel Olano Diputatu nagusia eta Iker Estensoro, Ekonomia Sustapeneko zuzendaria.

Errekan anfitrioi bezala izan ziren: Antton Tomasena, zuzendari nagusia; Cristina Etxegoien, lehendakaria; eta Javier Oleaga, Osagaien Dibisioko lehendakariordea.

ERREKA 021.JPG

Automozio alorrean kooperatibak dituen proiektuak ezagutu ondoren, Medical Alorrean osasungintza alorrean sortzen diren soluzioak eta zerbitzuak ere ezagutu dituzte, kooperatibak eraiki berri duen sala zurira bisita eginez. Gorka Mendiaraz eta Javier Coello izan dira kasu honetan bisitaren gidariak.

ERREKA 044.JPG

Errekak, 2021-2024 plan estrategikoaren markoan dituen etorkizuneko proiektuak azaldu eta ezagutzeko aukera izan dute bisitan zehar. Proiektu horien baitan egongo da berrikuntza, eta soluzioen, sektoreen eta merkatuen dibertsifikazioa, batik bat.

“Nolabait, Erreka ezagutaraztea, gure negozioen berri ematea, eta etorkizunean emango ditugun pausuak azalerazteko aukera eman digu bisita honek. Nolanahi ere, gure nortasuna, balioak eta lurraldearekin dugun konpromisoa dago horren guztiaren oinarrian” azaldu du Antton Tomasenak.

Fastening Solutions, Plastics eta Sarbide Automatikoak