Irakurriena
- 1. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 2. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 3. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 4. 74ko sortzaileei omenaldia egin diete Aurrenak kooperatiban
- 5. Mende erdiko lerroa abestiaren bideoklipa estreinatu du Ikerlanek bere 50. urteurrena ospatzeko
- 6. EduRobotic Synthesis eta WinnBot taldeak izan dira FLL Euskadi-MONDRAGON torneoko irabazleak
- 7. MONDRAGON Healtheko komunikazio taldea Osartenen bildu da
- 8. Mondragon Goi Eskola Politeknikoak Amazoneko langileak trebatuko ditu
- 9. Iñigo Urkullu lehendakariak Lortek bisitatu du
- 10. Kide izango da Ondarroako arraun taldearen babesle nagusia hurrengo hiru denboraldietan
Nola egin aurre krisialdi bati kooperatibismotik?
Nekane Errasti, Goi Eskola Politeknikoko ingeneritza koordinatzaileak aurkeztu eta gidatu du mahaingurua, izenburu honekin: " Nola aurre egin krisialdi bati, modu antolatuan eta kooperatibismotik abiatuta".
Masterretako ikasleak izan dira entzuleak eta hizlariak honako hauek: Iñigo Ucín, MONDRAGONeko lehendakaria; Nuria Agirre, LABORAL Kutxako Giza Baliabideetarako zuzendaria; Oxel Etxeberria, Bexen Cardioko zuzendaria; Tomas Martin, Orbeako Garapen zuzendaria; Zuriñe Arakistain, Mondragon Assembly; Javier Amezaga, EROSKIko Baliabide zuzendaria eta Susana Otegi, Bexen Medicaleko Promozio eta Garapen arduraduna.
Aurkezpenen bidez, kooperatibek azken urte honetan pandemiari aurre egiteko abian jarri dituzten estrategiak azaldu eta ikasleekin partekatu dira. Azken finean, “emaitzak biderkatzeko ahaleginak batzeaz” eta “pertsonen bidez gizartean aberastasuna sortzeaz” hitz egin da. Bi zehaztapen horiek Ucínek egin zituen, Potentzia Energia Elektronikoko masterreko eta Robotikako eta Kontrol Sistemetako masterreko ikasleen aurrean.
Era berean, Zuriñe Arakistainek azaldu zuen, adibidez, “ziurgabetasun handiko egoerak bizi izan ditugu, baina erantzukizun handikoak. Izan ere, 6 asteko epean maskarak fabrikatzeko 4 makina genituen Euskadin, eta 12 astetan 18 makina ekoitzi genituen". Bexen Medicalek ere hartu zuen parte proiektu horretan, eta haren ordezkari Susana Otegik esan zuen “erronka handia genuen aurrean, baina uste dut behar bezala erantzun dugula, maskarak egiteko eta txertoak biltegiratzeko prozesuan”.
Oro har, aurkezpenetako ideia nagusia hauxe izan da: "kooperatiba bakoitzak egoerari aurre egiten jakin du, bakoitzak bere jardun-eremutik, zerbitzuak egokituz eta berriak eskainiz".
Bukatzeko, pertsona bakoitzak hitz batean laburtu zuen pandemiari egokitzeko egin duen ahalegina, eta modu honetan laburbildu zituzten bizipen eta sentsazioak: tsunamia, gainditzea, adorea, aukera, intentsitatea, biderkatzeko batuketa.