Mozambike: familia-nekazaritzak herrialde bat aldatzen duenean

Nekazaritza da familia gehienen ekonomiaren oinarria. Hauek, beraien lanarekin, urteko gutxieneko soldata nazionala (urtean 1.000 € inguru, berez oso baxua dena) baino askoz gutxiagoko urteko diru-sarrerak (300 €) lortzen dituzte.

Helburua ez da produktu kopuru txiki berdina prezio apur bat hobean saltzea. Izan ere, erabat ezinezkoa da 5 laguneko familia bat urtebetez 300 eurorekin bizitzea gabezia larririk jasan gabe. Horregatik, ezinbestekoa da familiek ekoizpena handitu eta nekazaritza-errendimendua hobetzea.

Hori lortzeko eta egungo ekoizpena biderkatu ahal izateko, beharrezkoa da teknika eta lan egiteko modu berriak txertatzea, ahalegin eta bidezko lanekin, sortu beharreko soberakin handiak xurgatu ditzaketen merkatuak identifikatzeaz gain.

FAOren arabera, Afrikako leku askotan, Mozambike barne, nekazaritza-produktibitatea baxua da garapen bidean dauden beste herrialde batzuekin alderatuta. Gakoa nekazarien gaitasunak indartzean datza, baliabide eta ezagutzetarako sarbidea erraztuz, familia-nekazaritza milaka familientzako garapen eta ongizate-iturri bihur dadin. Hori da Mundukide Fundazioaren eginkizuna duela hogei urte baino gehiagotik.

Berrikuntza eta lankidetza: Aurrerapenerako gakoak

• Nekazarien arteko esperientzia-trukea nekazaritzaerrendimendua hobetzeko modu eraginkor eta ekonomikoenetako bat dela frogatu da. Horretarako, Mundukidek ekoizpen- eta merkataritza-aukera berriak identifikatzen eta ebaluatzen ditu, familiek beren diru-sarrerak hobetzea ahalbidetuko dieten laborantza eta teknikak eskaintzeko, horien ahalmen eta baldintzetara egokituta.
• Kalitatezko nekazaritza-inputetarako sarbidea funtsezkoa da produktibitatean jauzi esanguratsua emateko. Zentzu horretan, haziak, ongarriak, intsektizidak, erremintak eta ureztatze-sistema eraginkorrak eskuratzeko aukera errazten da.
• Merkatuarekiko lotura funtsezkoa da. Ezinbestekoa da familien ekoizpena handitzea, eta horrek merkatarien kostu logistikoak murriztuko ditu; ondorioz, merkatari horiek prezio hobeak eskaini ahal izango dituzte.

Aldaketaren onurak

Mundukide familia-nekazaritza hobetzeko ezartzen ari den neurriek ahalmen izugarria dute ekonomia nazionala eraldatzeko eta desberdintasunak murrizteko, oparotasuna eta gizarte-kohesioa bultzatzeko; eta haien onurak gizarte osoari eragiten diote:

• Familia-nekazaritzak landa-eremuen eta hiri-eremuen arteko desberdintasun ekonomikoak murrizten ditu.
• Familia-nekazaritzari emandako bultzadak ere eragin zuzena du enpleguaren sorreran.
• Nekazariek beren komunitateetan aukera ekonomiko hobeak dituztenean, ez da hain probablea hirietan lana bilatzea.