MONDRAGONeko kooperatibak Nafarroako XV. Ekintzailetasun eta Enpleguaren Topaketan izan dira

Dekoraziorako osagai metalikoak

Automozio osagaiak

Erreferentea Automoziorako dekorazioan eta piezen konplexutasun funtzionalean.

Aluminiozko hagunen fabrikazioa

Finantza eta aseguru zerbitzuak.

Mila pertsona baino gehiagok parte hartu du iragan urriaren 26an Nafarroako XV. Ekintzailetasun eta Enpleguaren Topaketan. Nafarroako Unibertsitate Publikoak antolatutako jardunaldian, besteak beste, Fagor Ederlan Tafalla, Mapsa, Embega, Maier eta Laboral Kutxak parte hartu dute.

2022/11/02

UPNA Fundazioak antolatutako Topaketak helburu nagusi bat du, enplegagarritasuna eta ekintzailetza sustatzea ikasle eta titulatu berrien artean. Hala, Topaketan, gazte talentuek eta enpresa pribatu zein administrazio publikoak hartu-eman zuzena garatzeko aukera izan dute, bertatik bertara.

Euskal kooperatibismoak ere ordezkaritza zabala izan du lan-jardunaldian. Besteak beste ANEL eta CEPES Nafarroako presidente Ignacio Ugaldek parte hartu dut, eta baita MONDRAGONeko gestio sozialeko ordezkariek ere.

UPNA Fundazioak antolatutako Topaketak helburu nagusi bat du, enplegagarritasuna eta ekintzailetza sustatzea ikasle eta titulatu berrien artean

Fagor Ederlan Tafalla, Mapsa, Maier, Laboral Kutxa eta Embega kooperatibetako ordezkariek gazteekin hartu eman zuzena izateko aukera izan zuten, Nafar Lansare Nafarroako Lan Zerbitzuko kideekin batera, UPNA Fundazioko ordezkariekin eta ekonomia sozialeko zein kooperatibismoaren Katedrako ordezkaritzarekin.

20 urtez, enplegagarritasuna sustatzen

Topaketa orain 20 urte jarri zen abian eta ordutik erakunde zein enpresek beren erakundeentzat perfil egokienak atzematen ahalegindu dira. Era berean, gazteek, talentuek lan aukera ezberdinak bertatik bertara ezagutzek aukera ere izan dute eta askok, lana bertan aurkitu ahal izan dute.