MONDRAGON TFG/TFM Sarien bigarren edizioaren sari banaketa ekitaldia, azaroaren 17an

Azaroaren 17an Donostiako Kursaal aretoan antolatuko da MONDRAGON TFG/TFM Sarien bigarren edizioaren sari banaketa ekitaldia. Aurtengo ekitaldia FESLAN Ekonomia Sozialaren enpresen eta enplegua bilatzen ari diren pertsonen arteko topagunean kokatuko da, eta iaz egin bezala Ainhoa Etxebarria aurkezleak gidatuko du. Bertan, MONDRAGONen pertsonengan zentraturiko enpresa egiteko modua balioan jarriko da, gizartearekiko konpromisoa berretsiz. Zentzu horretan, munduak dituen erronkei aurre egiteko soluzio ezberdinak aintzat hartuko ditu MONDRAGONek, bost kategoria ezberdinetan banatutako unibertsitate alorrean egindako bi lanik onenak sarituz. 

Orotara, bost kategorietako irabazle eta bigarren saridunen lana aitortuko da:

• Danobatgroup Saria eraldaketa digitalerako.
• MONDRAGON Saria pertsonetan oinarritutako eraldaketarako.
• Fagor Taldea Saria eraldaketa energetiko-klimatikorako.
• Orbea Saria mugikortasun osasungarri eta iraunkorrerako.
• Laboral Kutxa Saria Gizartea eraldatzeko finantzen eraldaketarako.

MONDRAGON TFG/TFM Sarien bigarren edizio honetan 253 lan aurkeztu dira, 37 unibertsitate desberdinetatik jasotakoak, besteak beste Euskal Herriko hiru nagusienetatik (EHU/UPV, Mondragon Unibertsitatea eta Deustuko Unibertsitatea), Espainiar estatuko 17 hiri ezberdinetako 24 unibertsitatetik eta nazioarteko 3 unibertsitatetik, EEBB, Danimarka eta Belgikakoak. Aipatu behar da jasotako lanen %51a emakumeenak izan direnak, 129 zehazki.

MONDRAGON TFG/TFM sarietan kategoria bakoitzeko sari bi emango dira, irabazlearen saria, 2.500 eurokoa, eta finalistaren saria, 1.250 eurokoa. Sari banaketa ekitaldi hau zuzenean jarraitzeko aukera izango da lotura honen bitartez Premios TFG-TFM MONDRAGON Sariak 2023 (shakinghub.com)