Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
MONDRAGON eta KREAN EKIENEA Euskadiko instalazio fotovoltaico handienaren parte izango dira
EKIENEA proiektuak MONDRAGON eta KREAN Promotión & Structuring taldeen parte-hartzea izango du, euskal erakundeen arteko lankidetza publiko-pribatuaren %5arekin, Iberdrolak %75a eta EEEk, Arabako Aldundiaren atxikimenduarekin gainontzeko %20a izango dutelarik.
Instalazio berria Lacorzana finkan kokatuko da, Armiñongo udal mugapean (Araba), eta Euskadin instalatutako eguzki-energia fotovoltaikoaren ahalmena hirukoiztea ekarriko du.
Proiektuaren aurkezpena ondoan dagoen EKIAN plantaren instalazioetan egin da, urtarriletik erabateko errendimenduan dabilena, 24 MWko potentziarekin. Aurkezpen ekitaldi honetan Iñigo Ucín (MONDRAGONeko presidentea), Jon Berbel (KREAN Groupeko CEOa), Ignacio Galán (Iberdrolako presidentea), Iñigo Ansola (EEEko zuzendari nagusia) Ramiro González (Arabako Ahaldun Nagusia), Arantxa Tapia Ekonomia Garapenerako Sailburua eta Iñigo Urkullu Lehendakaria izan dira.
Euskadiko plantarik handiena
Planta berriak 100 megawatteko (MW) potentzia instalatua eta 70 milioi euro inguruko inbertsioa izango ditu. Instalazio berriztagarri handi horrek 160.000 pertsona baino gehiagoren urteko kontsumoa asetzeko gai den energia garbia sortuko du Arabako biztanleriaren erdia. Euskadiko egungo eguzki-sorkuntzarako ahalmena, 60 MW-koa dena gutxi gorabehera, ia hirukoiztu egingo du, eta urtean 25.000 tona CO2 atmosferara isurtzea saihestuko da.
EKIENEA 200 hektareatan zehar hedatuko da; horietatik 100 planta fotovoltaikoak hartuko ditu, eta beste 100 hektareatan, berriz, ingurumena konpentsatzeko eta baso-eremuak zaintzeko lursail bakoitzak egongo dira.
Proiektua 2022an martxan jartzea aurreikusten da, eta 2023an aktibatu nahi da, eraikuntza lanetan urtebete inbertitu ondoren.