Literatura eta kazetaritza hizpide, 14. Literatura Topaketan

Ezagutza

Facultad de Humanidades y Ciencias de la Educación HUHEZI

Humanitate eta heziketa zientzien fakultatea

Literatura eta kazetaritza -eta kazetaritzak dakarren prensa- izango dira aurtengo Literatura Topaketetak jorratuko dituen gaiak. Horretarako, bi esparru horiek batuko duen izenburua proposatu dute Humanitate eta Hekzuntza Zientziako Fakultateko antolatzaileek: "Pre(nt)sa (z)ko literatuta". Urriaren 22an eta 24an izango dira jardunaldiak.

2013/10/16

Urriaren 22an eta 24an egingo diren jardunaldien xedea da aztertzea, lau adituen hitzak baliatuta, nola ezkontzen diren kazetaritza eta literatura, eta hausnartzea ea posible den uztartzea idazteko eta irakurtzeko plazerra, kazetaritzak eskatzen duen presa eta azkartasunarekin.

Literatuta Topaketen 14. edizio honek ekarriko ditu, gainera, berrikuntzak. Batetik, lehenengoz, HUHEZIk dituen bi campusetan egingo dira hitzaldiak, hain zuzen ere, Aretxabaletako eta Eskoriatzako campusetan. Bestetik, bi egunetara ekarriko da egitaraua: lehenengo egunean, urriaren 22an, Aretxabaletan, goizez izango dira hitzaldiak, eta, aldiz, bigarren egunean, urriaren, 24an, Eskoriatzan, arratsaldez.

Literatuta Topaketak edonorentzat daude irekita eta, sarrera doakoa da.

Aurtengo kartela osorik ikusteko: Literatura Topaketak 2013ko kartela.

Egitaraua

Urriak 22, asteartea, Aretxabaletako campusean

10:15. Agurra eta aurkezpena.

10:30. Xabier Gantzarain. Idazlea. Bloglaria. Zutabegilea. Sortzailea. Bera izatea zaila izan denean ere, bera izaten dakien idazlea.

12:00. Anjel Lertxundi. Idazlea. Zutabegilea. Gidoilaria. Egunero idazten badu ere, patxada iradokitzen duen idazlea.

Urriak 24, osteguna, Eskoriatzako campusean

15:00. Lorea Agirre. Kazetaria. Zutabegilea. Euskal kulturaren urgentziez hausnartu duen kazetaria.

16:00. Lander Garro. Idazlea. Sortzailea. Bloglaria. Twitterlaria. Gidoilaria. Argazkilaria. 140 karakteretan poeta um fingidor ez dela erakutsi duen idazlea.