Irakurriena
- 1. 2020ko albisterik garrantzitsuenak begiratu batean
- 2. Bilbao As Fabrik inauguratu dute Bilboko Udalak eta Mondragon Unibertsitateak
- 3. New York Times egunkariak MONDRAGONen eredu kooperatiboan erreparatu du
- 4. “Estatu osorako txertoak banatzeko eta biltegiratzeko gaitasuna du Bexen Medical-ek”.
- 5. Iñigo Ucin, MONDRAGONeko lehendakaria: "Pandemia honetan kooperatibek egin dutena izugarria izan da"
- 6. Mondragon Unibertsitateak nerabeek sare sozialetan dituzten ohiturak ikertu ditu
- 7. 245.000 bisitatik gora jaso ditu tulankide.com-ek 2020an zehar
- 8. “COVID-19 eta ondoren zer?” liburuan, pandemiaren ondorioak eta erronkak aztergai
- 9. "Ekonomia ez da itzali eta piztean lehengoratzen den makina bat"
- 10. Fagor Arrasatek 24 milioi inbertituko ditu eraldaketa digitaleko proiektuetan
Lanerako buelta errazago egiteko gomendioak
Hasi da iraila eta berarekin lanera itzultzea tokatzen da. Atseden hilabetearen ondoren, asko dira trauma edo estresa sufritzen duten pertsonak. Hala ere, Iñigo Garatxena, Osarteneko Osasun eta Ongizate Zerbitzuetako arduradunak adierazten duen bezala "pertsona gehienok aste batean edo bitan egokitzen gara laneko erritmora baina badira beste kasu batzuk, larriagoak, hilabete bat edo bi behar izaten dituztenak".
Egokitzapena errazagoa egiteko garrantzitsua da aholku batzuk kontuan izatea, hala nola: lanean hasi baino egun batzuk lehenago goiz jaikitzea, ariketa fisikoa praktikatzea...
Ohitura osasungarriak
Osartenek, prebentzio-zerbitzu mankomunatu bezala, bideo bat argitaratu berri du, laneko zereginetara ahalik eta hobeto egokitzeko aholkuekin. Bideoaren hasieran aipatzen da "garrantzitsua dela ilusioz ekitea, egunero baitugu nor garen eta nolakoak garen adierazteko aukera". Eta gaineratzen da "garrantzitsua dela osasungarriak diren ohiturak hartzea hasiera hasieratik".
Egia da, Osartenek enpresa barruan ere ohitura osasungarrien plana duela martxan eta testuinguru honetan, langile guztiek egiten dituzte egunero hainbat ariketa, besoak, lepoa, bernak... tonifikatzeko.