LagunAro-ren Osasun Laguntza atzerrian

Udako bidaietan estaldura bermatuta dute mutualistek eta onuradun diren pertsonek.
2022/07/20

Udan bete-betean sartuta, aspaldi plafinikatutako bidaiaz gotzatzeko garaia iritsi da. Eta LagunArok gogorarazten digu gure esku dugula osasun estaldura edo laguntza, beste bidaia aseguru batzuek eskaintzen dutenaren antzerakoa. Atzerrira bidaiatuz gero, edo eta seme alabak atzerrira ikasketak egitera bidaliz gero, LaguAroren txartelaz osasun laguntza jaso ahal izango da IMA Iberica-ren bitartez. Horretarako, txartelean azaltzen den telefono batera deitu besterik ez da egin behar (+34 913833066, bai osasuna arloko gaien inguruan galdetzeko, bai eta atzerriko asistentziaren gainean galdetzeko ere).

Erakundeak azalduko dizu "honako estaldurak soilik larrialdi eta gaixotasun kasuentzat direla, zure opor egonaldian gerta daitekeen egoera, beti ere hiru hilabete edo gutxiagoko egonaldietan, edo eta ikasketa bidaia batean egonez gero, urtebete edo gutxiagoko egonaldietan".

Baja medikoa eta oporrak

Sasoi honetan oso ohikoak izaten diren galderei erantzunez, posible da baja medikoaz oporretan joatea edo zure ohiko etxebizitzatik kanpo gaua igarotzea? Bai, posible da. Beti ere bi baldintza betetzen badira. Batetik, "opor sasoian zure patologiarekin bat datorren bizitza eginez gero eta zure errekuperazioari kalterik eragiten ez badio".

Bestalde, "eskaera idatziz egin behar da, eta bertan adierazi behar da, norbere ardurapean, oporraldia eskatzen duela". Eskatu daiteke kooperatibako Giza Baliabideetako departamentuan edo eta kooperatibako Zerbitzu Medikuan. 

Hala, bi baldintza horiek betetzen badira, "bajaz dagoenak oporrak kobratuko ditu eta ez lanerako ezintasun prestazioa".

Kooperatibisten babes soziala