Irakurriena
- 1. Espainiako Kongresuak LagunAroren berezitasuna aitortzen duen Errege Lege Dekretua baliozkotu du
- 2. MONDRAGON, etorkizuneko emakume zientzialariengan eragiten
- 3. Markina Xemeingo BeraKruz Ikastola prest FLL Euskadi MONDRAGONen aritzeko
- 4. Lauaxeta Ikastola, klasiko bat FLLn
- 5. Ondarroako Zaldupe Eskolan FLL Euskadi MONDRAGONerako motorrak berotzen
- 6. B-WOMENIN Globalek Otaloran itxi du bere lehen edizioa
- 7. MONDRAGONek lidergo eta gizarte berdinzaleak sustatzen jarraituko du PWNrekin
- 8. FIRST LEGO League Euskadi-MONDRAGON finala, boluntario bila
- 9. Orbik Cybersecurity, kooperatiba mistoa bihurtu den lehen start-up teknologikoa
- 10. 2024ko urtekaria: urtebete iruditan
Kooperatibetako norbanakoen erantzukizuna ardatz, Kooperatibagintza Topaketaren 8. edizioan

Ekainaren 18an, asteartez, egingo da Mondragon Unibertsitateko LANKI Kooperatibismoaren Ikertegiak antolatutako Kooperatibagintzan Topaketen 8. edizioa. Humanitate eta Hezkuntza Zientzien Fakultatearen Eskoriatzako campusean elkartuko dira parte-hartzaileak. Topaketaren 8. edizioak honako izenburu hau izango du: ‘Pertsonen erantzukizuna enpresa kooperatiboan’. Kooperatibetako bazkideek erantzunkidetasunez jokatzeak zer esan nahi duen eta horrela jokatzeko baldintzak nola sustatu daitezkeen landuko da jardunaldian. Topaketa 15:00etan hasiko da, eta 18:00etan amaituko da.
Horretarako, lehenengo zatian, Igor Ortega Mondragon Unibertsitateko LANKI Kooperatibismoaren Ikertegiko ikertzailearren) eta Unai Elorza Mondragon Goi Eskola Politeknikoa ikertzailearen aurkezpenak egongo dira, eta, bigarren zatian, erantzunkidetasuna sustatzeko praktikak partekatuko dituzte kooperatiba desberdinetako protagonistek, mahai-inguru batean.
Egitaraua
15:00 Ongi-etorria eta harrera instituzionala
15:30 Erantzukizuna enpresa kooperatiboan: testuinguraketa eta ikerketaren emaitzak. (Igor Ortega - Mondragon Unibertsitateko LANKI Kooperatibismoaren Ikertegia)
16:00 Erantzunkidetasuna sustatzeko lan testuinguruak (Unai Elorza - Mondragon Goi Eskola Politeknikoa)
17:00 Esperientzia praktikoen mahai-ingurua: Marta Carazo (Eroski), Javi Torrellas (Soraluce), Iñigo Iñurrategi (Mondragon Taldea), Axier Lekuona (Orkli)
Gidaria: Marixe Ruiz de Austri (Mondragon Unibertsitateko LANKI Kooperatibismoaren Ikertegia)
17:45 Itxiera eta luntxa
Mondragon Unibertsitateko Humanitate eta Hezkuntza Zientzien Fakultateko Eskoriatzako campusean dago kokatuta LANKI Kooperatibismoaren Ikertegia. Hiru helburu nagusirekin sortu genuen ikertegia 2001. urtean. Bi betebehar nagusi ditugu LANKI Kooperatibismoaren Ikertegian: lehena, unibertsitateko ezagutza eta kooperatiben praktika uztartzea; eta, bigarrena, bertako zein kanpoko errealitate kooperatiboan eragitea. Honako baliabideak ditugu horretarako: hezkuntza kooperatiboa, ikerketa eta aholkularitza, eta zabalkundea. Denak ala denak asmo nagusiago bat gauzatzeko: kooperatibismoa biziberritu eta urte hauetan guztietan kooperatibismoari buruz metatu dugun ezagutza eta esperientzia konpartitzea espazio ezberdinetan. Egun, hamabost profesional inguru gabiltza lanean LANKI Kooperatibismoaren Ikertegian.