Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
KONFEKOOPek tresna digitala kaleratu du kooperatibek GJHekiko duten konpromisoa neurtzeko
Zure enpresa kooperatiboak zenbat ordu eskaintzen dizkio urtean bazkideak eta langileak prestatzeari? Zer neurri ditu aukera-berdintasuna bermatzeko? Sustatzen al du elikagaiak alferrik ez galtzeko, birziklatzeko eta berrerabiltzeko neurriren bat? Proposatzen al du laneko joan-etorrietan trafiko-istripuak murrizteko ekintzaren bat? Horiexek dira KOOPDS Euskadi tresna digital berriak planteatzen dituen galderetako batzuk. KONFEKOOP–Euskadiko Kooperatiben Konfederazioak garatu du, Munduko Landagunearekin eta Unesco Etxearekin elkarlanean, eta Eusko Jaurlaritzako Gizarte Ekonomiako Zuzendaritzaren babesa izan du.
Autodiagnostikorako online plataforma gaur bertan aurkeztu zaie Euskadiko kooperatibei. "Euskal enpresa kooperatiboen balioek eta jardunek Nazio Batuen 2030 Agendarekin eta Garapen Jasangarrirako Helburuekin (GJHekin) duten loturan jarri nahi dugu fokua", azaldu du Rosa Lavín KONFEKOOPeko lehendakariak. Helburu horiek kooperatibaren zein alderditan zehazten diren eta kooperatibak zein konpromiso-maila duen jakitea da asmoa. Horrela, Europako araudiari erantzuteaz gain eta 2030 Agendaren konpromisoarekin aurrera egiteaz gain, "jasangarritasunaren arloan aurrera egiteko aukera berriak hauteman ahal izango dituzte enpresa kooperatiboek".
30 galderaz osaturiko galde-sorta bat da, eta galderok 2030 Agendak barne hartzen dituen 17 GJHetako 169 helburuekin daude lotuta: enplegua eta lan duina, prestakuntza, aukera-berdintasuna, berrikuntza, kontsumo arduratsua eta abar.
Autodiagnostikoaren helburua kontzientziatzea da, eta kooperatibek 2030 Agendako helburuak lortzeko orduan funtsezko eginkizuna dutela erakustea.
Galde-sorta amaitzean, GJH bakoitzarekin duten konpromiso-mailari buruzko txosten pertsonalizatua jasoko dute, baita prentsa-ohar bat eta eranskin bat ere, konpromiso hori sustatzeko eta indartzeko informazioa eta kontaktuak barne dituela.
2030 Agendan jasotako mundu-mailako helburuak dira GJHak, gobernuek, enpresek eta herritarrek planeta babesten, pobrezia desagerrarazten eta munduaren oparotasuna ziurtatzen laguntzeko sortuak. Beti ere, tokian bertan jardutearen garrantzia ahaztu gabe. KOOPDS Euskadi tresnaren bidez baliabideak ematen dira, jasangarritasunaren ikuspuntutik enpresa kooperatibo bakoitzak nola jokatzen ari den azter dezan eta GJH horietan aurrera egin ahal izateko erabakiak har ditzan.