Kimu Berri proiektu sustatzaileen erakusketa ikusgai

Unibertsitateko gazteek garatutako proiektuen panelak, prototipoak eta ikus-entzunezko erreportajeak erakusgai egongo dira Garaia Berrikuntza Gunean 21etik 27ra (goiz eta arratsaldez). Ondoren, erakusketa Eskoriatzara, Ibarraundi museora, eramango dute eta bertan ikusgai egongo da irailaren 28tik urriaren 7ra.

Azken hitzordua Oñatin izango du erakusketak. Oñatiko Enpresagintza fakultatean ikusi ahal izango da urriaren 10etik 20ra bitartean. Guztira 50 proiektu inguruk hartuko dute parte erakustaldian.

Bihar, goizeko 10:00etatik 12:00etara, Arrasateko Garaia Berrikuntza Guneko areto nagusian sei proiektuen egileek zehaztasunak emango dituzte proiektuei buruzko azalpen laburretan.