Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Ireki da izena emateko epea "Culinary Action! On the Road" ekimenean
Lehiaketa honetan foodtech startupik onenak hautatuko dira. Irabazleek Donostiako LABe- Digital Gastronomy Lab (Basque Culinary Center-ek kudeaturik) inkubatzailean hiru hilabete egotea jasoko dute saritzat, baita diruzko saria ere. Lekuan lekuko startup irabazleak 2022ko hasieran Donostian ospatuko den nazioarteko final handian izango dira.
Lehiaketan parte hartu nahi duten startup guztiek euren kandidatura aurkeztu ahal izango dute Culinary Action!-en webgunearen bidez (https://culinaryaction.com/ontheroad/).
Finalera iritsiko diren bost startupek euren proiektua aurkeztuko diete adituen taldeari eta finalaren ikusleei. Hauen artean inbertsoreak, aholkulariak eta lekuan lekuko agenteak izango dira; gazteleraz, ingelesez, frantsesez eta euskaraz egin ahal izango den ‘elevator pitch’ formatuan.
Leku bakoitzeko lehiaketetako irabazleek hiru hilabeteko egonaldia jasoko dute saritzat Donostiako LABe-Digital Gastronomy Lab startupen inkubatzailean, inkubatzaile irekiko living lab-a. Epe honen barruan, startupek GOe Community plataforma digitalean plan aurreratua egiteko aukera izango dute. Bertan elkartu ahal izango dira Basque Culinary Center-eko aditu eta aholkulariekin. Honez gain, BCC Innovation (Basque Culinary Center-en Elikaduraren zentro teknologikoa) zentroko ikerketa-proiektuetan parte hartu ahal izango dute. Gainera, 3.000 euroko saria jasotzeko aukera izango dute, Donostiako egonaldian gastatu ahal izango dutena. Honekin batera, hainbat esparrutan laguntza jaso ahal izango dute, hala nola, Basque Culinary Center-en inbertsore-sarean sartzeko, network-erako edota bertako enpresa-ekosisteman sartzeko.
Leku bakoitzeko lau finalistak Donostian 2022ko hasieran ospatuko den final handian lehiatuko dira. Herrialde bakoitzeko irabazleak izango dira lehian, eta CA! On The Road-en lehenengo edizioko startup irabazlea hautatuko da. Irabazlea hilabete gehiago egon ahal izango da LAB-e inkubatzailean, eta 2.000 euro gehigarri jasoko ditu.