Irakurriena
- 1. Aliantza estrategikoa egin du Fagor Ederlan Groupek Duoli Automotive Technology txinatarrarekin
- 2. Ekintzailetzaren erronka, gai nagusi TU Lankideren zenbaki berrian
- 3. Batzar Nagusiak, komunikazioa eta elkarlana indartzeko espazio
- 4. Datorren ikasturterako irakasle bila ari da Arizmendi Ikastola
- 5. MONDRAGONek partaidetza estrategikoa sendotu du South Summit Madrid 2025 programan
- 6. Nerea Aranguren: “Konfidantza sortu, nor garen egiaz kontatu eta gazteei egitasmo humanistak eskaini behar dizkiegu”
Huhezinemak aukeratu ditu finalistak

Huhezinema jaialdiaren momenturik berezienetarikoa heldu da: finalista izango diren film labur eta bideoklipen hautaketa azaleratu baita. Iban del Campo jaialdiaren zuzendariak adierazi duenez, "luxu bat izan da Euskal Herri osoko txoko guztietatik jasotako filmak eta bideoklipak ikusi eta hautaketa batzordea osatzen duten ikus-entzunezko ikasleekin eztabaidatzea. Eskarmentu handiko egileen lanak eta hasiberrienak ikusteko aukera izan dugu. Emanaldiak egiteko orduan denbora mugatua dugunez, interes handiko lanak ezin izan ditugu aukeratu finalista eta horrek badu frustrazio puntu bat. Baian oso pozik gaude jaialdian erakutsiko dugun sormen eztanda honekin".
10 finalisten artean, gehienbat fikziozko filmak jaso dira, baina finalisten artean badaude dokumental eta animaziozko lanak ere
Aurtengo Sail Ofizialari dagokionez, maila oso altua izan da.tugu, 10 finalisten artean, gehienbat fikziozko filmak jaso dira, baina finalisten artean badaude dokumental eta animaziozko lanak ere. Hauen artean, Goya sarietarako izendapena jaso duen “Txotxongiloa” animaziozko film laburra dago.
Ikasle saila
Ikasle Sailaren bigarren edizioa ere lehenengoa bezain arrakastatsua izan dela azpimarratu nahi dugu. Ahalegin berezia egin da aurten ere sail hau euskal zinema ikasle guztiei zabaltzeko. Atal hau jaialdiaren lehen 15 edizioetan Mondragon Unibertsitateko ikasleei mugatutakoa izan bada ere, azken bi urteetan beste euskal ikasleen lanak onartu dira eta MUko ikasleen film laburrez gain, Larrotxene (Donostia), Mendizabala (Gasteiz), Elias Querejeta Zine Eskola (Donostia), Centa Eskola, (Donostia) eta EHUko film laburrak jaso ditugu.
Bideoklip saila hirugarren urtez antolatu da eta berriz ere lan sorta eder bezain aberatsa jaso dugu. Huhezinemako lantaldeak sail honek duen garrantzia azpimarratu nahi du, gaur egun gazteen artean gehien kontsumitzen den ikus-entzunezko formatua baita.