Diputatuen Kongresuko presidentea, MONDRAGONen

Otalorara egindako bisitan, MONDRAGONen Esperientzia Kooperatiboa ezagutu du Korporazioaren Harreman Instituzionaletako zuzendari Iñigo Albizurirekin, eta Mondragon Unibertsitateko errektore Vicente Atxa eta LABORAL Kutxako presidente Adolfo Plaza ere izan ditu lagun.

"MONDRAGON kooperatibismoaren muina dela esaten dute, eta, egia esan, nik amesten nuena posible dela ikusi dut hemen. MONDRAGONek erakusten du gizarte oparo baterako oinarririk onena hezkuntza, berrikuntza eta prestakuntza direla, enplegua eta aberastasuna sortzen dutelako eta modu bidezkoan birbanatzen dutelako. Hainbeste egoismo dagoen garaiotan, elkartasunak distira egiten duen mundua eratzen du. Eta, gainera, funtzionatzen duen eredua da", adierazi du Armengolek.