Hezkuntza Sailburuak, Jokin Bildarratzek Mondragon Unibertsitatea bisitatu du

Atzo, Mondragon Unibertsitateko Zuzendaritza Batzordeak, Hezkuntza Sailburua den Jokin Bildarratz eta Hezkuntza Sailburuordea den Adolfo Moraisen bisita jaso zuen.

Agendan aurreikusi bezala, Mondragon Unibertsitatea osatzen duten 4 fakultateetatik 3 bisitatu dituzte: Enpresagintza Fakultatea, Goi Eskola Politeknikoa eta Humanitate eta Hezkuntza Zientzien Fakultatea.

Bertatik bertara ezagutu dituzte eraikinak, laborategiak, estreinatu berri diren espazioak, eta punta-puntako ekipamendu eta teknologia instalazioak. 

Gainera, aukera izan dute ikerlariek egiten duten lana gertutik ezagutzeko, eta hezkuntza eskaintza eta ikerketa eta transferentzian egiten den lana ere azaldu zaie zehatz mehatz.

Notizia eta argazkiak www.mondragon.edu webgunean argitaratu dira.