Greba deialdiak jarraipen handia izan du MONDRAGONen

"Emakumeok Planto" martxoaren 8ko greba deialdi feministak kooperatiba askotan izan du erantzuna eta horietako askotan greba edo paroak egin dituzte gaur, emakumearen nazioarteko egunean.
Card image cap
2019/03/08

Kooperatiba askok egin dute bat gaur greba feministarekin. "Emakomeak Planto" lelopean egin du deialdia Euskal Herriko mugimendu feministak martxoaren 8 honetan, emakumeen nazioarteko egunean.

MONDRAGONen mapa geografikoa eta enpresen aktibitateak askotarikoak badira ere, orokorrean esan daiteke greba deialdiak inzidentzia zabala izan duela eta kooperatiba asko eta askok greba deialdiarekin bat egin duela, bai industrian, finantza arloan, banaketan eta ezagutzan. 

Greba eta paroak

Besteak beste, honako kooperatibek egin dute bat greba deialdiarekin: Copreci, Fagor Automation, Lana, Fagor Elektronika, Mondragon Assembly, Fagor Industrial, Arizmendi Ikastola, Orkli, Urola, Laboral Kutxa, Dikar... Beste askok paro partzialak egin dituzte eta askok lantegi aurrean kontzentrazioak egin dituzte. 

Arizmendiarrieta eta emakumea

Arizmendiarrieta bera emakumearen defendatzaile sutsua zen eta bere legatuan jarrera horren zenbait gogoeta utzi zituen. Besteak beste, "emakumeek kontzientzia sozial gutxi badute, hori da gure komunitateak kontzientzia gutxi duelako". Berea da beste hau ere: "Gizonek eta emakumeek elkarren beharra dute jarduera eta gizakiaren bizitzaren maila guztietan, eta, ondorioz, giizartean emakumearen laguntzarik gabe aurrera egitea da hanka bakarrez korrika egin nahi izatea"