Irakurriena
- 1. TFG-TFM MONDRAGON Sariek talentua saritu dute inoizko parte-hartzerik handienarekin
- 2. MONDRAGONek eta Fagor Electronicak Semi Zabalan inbertitu dute
- 3. Eroskik finantza egitura berrantolatu du, zorra merkeago birfinantzatuz
- 4. MONDRAGON Foroaren XIII. edizioak 400 lagun baino gehiago elkartu ditu Bilbon
- 5. Guido Agostinelli dibulgatzaile argentinarrak MONDRAGON bisitatu eta sareetan arrakasta lortu du milioitik gora ikustaldi lortuta
- 6. Azaroak Arizmendiarrieta ekarriko du gogora
GIZARTE KOOP-en VII. Jardunaldia egin zen Bilbon
Askotariko erakundeetako ordezkariak elkartu ziren bertan. Besteak beste, Javier Goienetxea KONFEKOOPeko presidentea, Carlos Askuenze REAS Euskadiren koordinatzailea eta Joan Segarra gizarte-ekimeneko sozietateen arloko zuzendaria.
Bizkaia aretoa jendez bete zen atzoko jardunaldian.
Javier Goienetxeak adierazi zuenez, “kooperatibak etengabe merkatuari begira eta merkatuaren barne daude”, hain zuzen ere horrexegatik egiten da jardunaldia. Gaineratu zuen kooperatibak “naturalki elkartzen dira eta naturalki hori bultzatea oso garrantzitsua da”.
Carlos Askuenzek bi gai jorratu zituen jardunaldian. Alde batetik, azaldu zuen zergatik hainbat erakundek erabakitzen duten Gizarte Ekimeneko kooperatibak sortzea eta kooperatiba izatea. Beste aldetik, berriz, hirugarren sektoreko erakundeen eta Gizarte Ekimeneko kooperatibismoaren arteko lankidetzaz eta sinergiaren sorreraz hitz egin zuen. Alegia, gaur egun eta etorkizunean, posizionamendua eta lankidetza hobetzeaz.
Joan Segarrak Katalunia ordezkatu zuen ekimen honetan, Cooperatives de Treball de Catalunya alegia. 7.000 langile dituen kooperatiba da eta 150 milioi euroko fakturazioa duena.
LEINNeko ikasleek ere parte-hartu zuten Forokoop-ek antolatutako ekitaldian.
TU lankidek hiru pertsona hauek elkarrizketatu ditu eta urrian argitaratuko den zenbakian irakurri ahal izango duzue.
