Irakurriena
- 1. AMETS Power Electronics sortu dute MONDRAGONek eta Artechek potentzia-elektronika sustatzeko
- 2. BGAEentzako fiskalitate berria. Nola eragingo dio zure pentsioari?
- 3. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
- 4. Joxe Azurmendi hil da, “El hombre Cooperativo” lanaren egilea
- 5. Kooperatibetako barne komunikazioa irauliz
- 6. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
Fortune aldizkariak "Change the world" zerrendan MONDRAGON sartu du

Negozioen aldizkari amerikarrak egin berri duen sailkapenean erantzukizun sozial handiko enpresak ageri dira. Zerrendaren izena bera oso adierazgarria da: "Change the world" (mundua aldatu) eta bertan ageri dira mundu mailako enpresa ugari. Eta zerrendaren hamaikagarren tokian dago MONDRAGON. Azken finean, MONDRAGONentzat aitortza bat da, kooperatibek inguruarekin duten konpromisoaren erakusle. Kooperatibek gizarte orekatuago, bidezkoago eta homogeneoago baten alde egiten duten lanaren isla.
Sailkapenaren Top 5a honako enpresek osatzen dute: The Vaccine Makers, hezkuntza publikoko proiektua da zeinek txertoen garrantziaz kontzientzia eta babes zientifikoa sustatzen duen; Alibaba da beste proiektua, Paypal ordainketa plataforma hirugarrena, Nvidia enpresa teknologikoa laugarren; eta BlackRock inbertsio funtsa bosgarren.
Kooperatibagintza eta erronka sozialak
"Change the World" sailkapenaren seigarren edizioak elkarlana eta ezberdinen arteko elkar hartu-emana sustatu nahi izan du. "No business succeeds alone" lelopean, erronkak bakarka ezin direla lortu aldarrikatu nahi izan du, eta humanitatearen garapena elkarlanean oinarritzen dela adierazi nahi izan du. "Erronka kolektiboei aurre egiten diegun bitartean: munduko pandemia, aldaketa klimatikoa eta desoreka izugarria, kooperazioa superpotentzia enpresariala bilakatu da", dio Fortune aldizkariak.
"Enpresa ezberdinen arteko elkarlanak aipatu erronka horiei guztiei aurre egiten lagunduko digu", gaineratu du. Seigarren edizio honetan, ospe handiko bestelako enpresa batzuk ere aurkitu ditzakegu, besteak beste; Medtronic, Mastercard, Microsoft, Cemex edo UPS.
Honako lotura honetan aurkituko duzu zerrenda bere osotasunean. https://fortune.com/change-the-world/