Irakurriena
- 1. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 2. Yolanda Diaz Lan eta Gizarte Ekonomia ministroa Coprecin egon da
- 3. MSI Taldeak urteko ETE industrial onenaren saria jaso du
- 4. 20 urteko ibilbide arrakastatsua ospatu du Gerodan kooperatibak
- 5. MONDRAGONeko Pertsonen Foroa egin zen Kursaalen
- 6. LagunArok 2024 ona itxi du eta sendotasunez begiratzen die etorkizuneko erronkei
Finantzen Foroaren laugarren edizioa egin da
Arantzazuko Gandiaga Topagunean (Gipuzkoa) egin zen atzo MONDRAGONeko Finantzen Foroa. Arlo finantzarioan diharduten 100 bat pertsona batu ziren, eta finantzen arloko kontu ezberdinez jarduteko aukera izan zuten. Aurten, Foroaren izenburua izan da honako hau: "Kudeaketa Finantzarioa aldaketa garaian".
Belen Kortabarriak, MONDRAGONeko Kudeaketa Finantzarioko zuzendariak eman zion hasiera foroari. Hala gogorarazi zituen zeintzun diren finantzazio korporatiboaren estrategiaren jarraibide nagusiak. Errekurtso propioak, dibertsifikazio finantzarioa, arrisku finantzarioen gestio globala eta interkooperazioko baliabide eta fondoen egituraketa berriak izan zituen hizpide.
Belen Kortabarriaren ondoren, Bankinter-eko Ramon Forcadak eta Deloitte-ko Miguel Briones-ek hartu zuten hitza. Briones "Funtzio Finantzarioaren etorkizunaz" aritu zen.
Aldaketaren gestioa
Yoseba Jainagak Ausolaneko zuzendari orokorrak Ausolan Taldean burutzen ari diren aldaketa esperientziak aipatu zituen. Jainagak, besteak beste, gardentasuna, komunikazioa, dibertsifikazioaren aldeko apustua moduko kontzeptuak aztertu zituen.
Iñigo Ucinek ere hartu zuen hitza. MONDRAGONeko presidenteak gaur egungo gizartean gertatzen ari diren aldaketak izan zituen hizpide, globalizazioak eragiten dituen aldaketak eta etengabeko transformazio prozesuak, bai produktu, bezero, sektore eta merkatuetan. "Arrisku horiei aurre egiteko dibertsifikazioa ezinbestekoa da" esan zuen MONDRAGONeko presidenteak.
Ekitaldiari Pilar Jericok eman zion hitza. Negozio eskolako irakaslea da eta konferentzia ugari eskaintzen ditu.