Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
Euskara planen erakusleihoa: MONDRAGON ASSEMBLY
Lehendabiziko euskara plana orain dela 20 urte onartu zuten. Gaur egun, langileen euskara ezagutza eta ulermen maila altua da. Langileen %90ak daki euskara eta %95 ulertzeko gai da.

Kooperatiba: Mondragon Assembly
Kokapena (herria): Aretxabaleta
Euskara planaren indarguneak:
- Euskara planak 20 urteko bidea egin du euskaraz lan egiteko baldintzak sortzen. Erakundean errotuta dago plana.
- Gaur egun langileen euskara ezagutza eta ulermen maila altua da. Langileen %90ak daki euskara eta %95 ulertzeko gai da.
- Erakundeko organoen eta langileen inplikazioa handia da.
- Fagor Taldeko gainerako kooperatibekin elkarlanean jarduten du.
- Langile gehienak gazteak dira eta askok euskaraz egin dituzte ikasketak.
Lorpen nagusiak:
- Entitatearen atal guztietarako ezarrita daude hizkuntza irizpideak.
- Lanpostu guztietarako hizkuntza-eskakizunak zehaztuta daude eta kontratazioetan eskakizunen betetze maila handia da, %95etik gorakoa.
- Urrezko Bikain ziurtagiria eskuratu zuen 2015ean.
- Erakundeko barne komunikazioa euskara hutsez jasotzeko e-posta kanala dago eta langileen %95ak erabiltzen du.
- Bileretan euskararen erabilera handitzen ari da. Bileretan batez beste % 55 hitz egiten da euskaraz.
Egungo erronkak:
- Euskara hutsez aritu gaitezkeen egoera eta funtzioak identifikatu eta horiek babesteko neurriak hartzea.
- Bezero euskaldunekin proiektuak osotasunean euskaraz garatzea.
- Euskaraz lan egiteko trebatzen eta hizkuntza portaeretan eragiten jarraitzea.
- Euskara adierazleak erakundeko sisteman txertatzea.
Bizpahiru adierazle
- Elebitasun tasa %94
- Hizkuntza-eskakizunen betetze maila %95
- Ahozko erabilera %59
- Bileretako batez besteko erabilera %55