Euskal ekonomia 2,4 igoko da eta langabezi tasa 8,7ra jaitsiko da 2019an

LABORAL Kutxak aurkeztu duen txostenaren arabera, euskal ekonomiak portaera positiboa izango du datorren urtean eta langabezia 8,7ra jaitsiko da.
Card image cap
Xabier Egibar, Negozio Garapenerako zuzendaria, eta Joseba Madariaga, Ikerketa Departamentuko zuzendaria.
2018/12/17

LABORAL Kutxak Hego Euskal Herriko Ekonomia Txostenak aurkeztu zituen pasa den astean Iruñean eta Bilbon. Xabier Egibar, Negozio Garapenerako zuzendaria, eta Joseba Madariaga, Ikerketa Departamentuko zuzendaria, komunikabideen aurrean azaldu ziren 2018ko eta 2019ko aurreikuspenak adierazteko.

Aurtengo ekitaldian joera positiboa igartzen da eta Barne Produktu Gordinaren %2,8aren igoera espero da, nahiz eta Europa mailan moteldu egin den, baina Euskadin dagoen barne dinamikak baretuko du.

Madariagak azaldu bezala, Euskadik azken 21 hiruhilabeteetan gorako tendentzia izan du eta hori guztia lan merkatuaren hobekuntzan nabaritu da; datorren urtera begira ere bide beretik jarraitzea espero da.

Aurreikuspenak begiratuta, 2019a nahiko ona izatea espero da, baina alor politikoan izan daitezkeen gorabeherek alerta egoera pizten dute, batik bat Brexit eta populismoen gorakaden ondorioz.

Txosten orokorra kontsultatu daiteke: https://prentsa.laboralkutxa.com/euskal-ekonomia-aurreikuspenak-2018-2019/

Banketxea