Euskadiko Kutxak Seguros Lagun Aroren %100 erosi du

Finantzak

Finantza eta aseguru zerbitzuak.

Aseguru konpainia

Euskadiko Kutxak Lagun Aro BGAEren partaidetza guztiak erosi ditu, Seguros Lagun Aro SAn eta Seguros Lagun Aro Vida SAn. Bi sozietateek aseguru orokorren eta bizitza-aseguruen negozioa kudeatzen dute, hurrenez hurren. Euskadiko Kutxak, guztira, 65 milioi euro bideratu ditu eragiketara eta, horren ondorioz, sozietateen % 100en kontrola bereganatu du; beraz, Mondragon Korporazioaren Finantza Arloko barne-eragiketa izan da.

2011/12/19

Aurten ibilgailuen matrikulazioak eta pisuen salmentak murriztu diren arren, Seguros Lagun Aro konpainiak ekitaldiaren amaieran emaitza "nabarmen handiagoak" lortzea espero du:

Fakturazioa: aurreikuspenen arabera, aurtengo ekitaldiaren amaieran 210 milioi eurokoa izango da, iazkoa baino % 9,4 handiagoa.

Bezero kopurua: bezero kopuruak % 1,5 egin du gora eta, guztira, 376.000 bezero ditu konpainiak.
Emaitzak: ekitaldiaren amaieran eta zergak ordaindu aurretik, gutxi gorabehera, 15 milioi eurokoak izango dira, hau da, 2010ekoak baino %30 handiagoak.

Etorkizunerako estrategiari dagokionez, Euskadiko Kutxak zerbitzuaren kalitatean liderra izaten jarraitu nahi du. Era berean, aurrerapauso handiak eman nahi ditu bezeroei balio bakarreko proposamena egiteko bidean, finantza-beharren gogobetetasuna eta familia eta enpresen segurtasuna uztartuz. Gaur egun, dibisioko finantza- eta aseguru-negozioek marka- eta merkataritza-politika berberak dituzte, baina etorkizunean aseguru-eskaintza aholkularitza eta pertsonalizazioa indartzen saiatuko da, Euskadiko Kutxaren taldeko bezeroen profil eta beharren arabera.

Finantza-entitateak 1,2 milioi bezero ditu gaur egun.