Irakurriena
- 1. Mondragon Unibertsitateak maiatzera arte eskainiko ditu ate irekien jardunaldiak
- 2. Cikautxok Hidrogeno ibilgailuetarako osagaiak eta zirkuituak garatzen ditu
- 3. “Iraunkortasunaren arrakasta lan taldean dago, eta zentzu honetan beste erronka handi bat talentuaren garapena da”
- 4. Ausolanek eta Basque Team-ek Aktiba zaitez kanpaina abiarazi dute, haurtzarotik jarduera fisikoa sustatzeko
- 5. Basque Culinary Centerrek 10 urte bete ditu, gastronomia sustatzen
- 6. MONDRAGON Korporazioak eta ONCE Gizarte Taldeak bat egin dute prestakuntza, enplegua eta teknologia sustatzeko
- 7. Juanjo Ansoategi hil da
- 8. LagunArok normaltasunaren itzulera iragarri du
- 9. Pertsonen berrikuntzaren hilabetea Garaian
- 10. Eskuratu LABORAL Kutxaren txirrindulari-ekipamendua
EROSKIk eta finantza entitateek hitzarmen bat egin dute zorra 2024ra arte finantzatzeko

EROSKIk uztailaren 16an sinatu ditu bere finantza zorrak berregituratzeko kontratuak, martxo hasieran bere entitate hartzekodun nagusiekin adostutako baldintzetan.
EROSKIk aurreko hitzarmeneko konpromiso guztiak bete ditu, zeina indarrean baitago uztailaren 31ra arte. Ia 1.800 milioi euro amortizatu dira 2010etik.
Sinaturikoa uztailaren 31n sartuko da indarrean, eta horrek erakusten du bankuek proiektua babesten dutela. Hala, finantza estaldura eman diote EROSKIren negozio planari 2024ra arte.
Hitzarmenaren barnean, dagoeneko sartuak daude taldearen zor finantzarioaren %95,57 ordezkatzen duten entitate hartzekodunak. Gainerako entitateak atxikiz joango dira ondoko egunetan. EROSKIk eta entitate nagusiek martxoan egindako hitzarmenak dakarrenez, homologazio judizialaren prozedura aplikatuko zaio hitzarmenari berari, edukiari segurtasun juridiko handiagoa emateko.
EROSKIko presidenteak, Agustin Markaidek baikortzat jo du hitzarmena: "Finantza entitateek gure proiektuari erakutsi dioten konfiantzari esker, finantza beharrak estalita ditugu, eta gure negozio planean ezarritako erronkei aurre egin diezaiekegu. Ondorioz, ohiko aktibitateak sortutako funtsekin alderatuta, zorpetze maila normal bat izango dugu epearen amaieran”.
Martxoko hitzarmenak zekarren bezala, ez dago behartuta desinbertsioak egitera.