Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Eroskik 30 milioi euro ordaindu dizkie interesetan mendeko ekarpen eta obligazioetan inbertitu dutenei
Eroskik, gaur, urtarrilak 31, abonatuko ditu Mendeko Finantza Ekarpenei dagozkien urteko interesak, %6,368ko interes tasan 2002ko eta 2004ko jaulkipenetarako, eta %5,868tan 2007korako. Otsailak 1ean, era berean, Mendeko Obligazioen urteko interesak abonatuko ditu, %6,368ko tasan. Guztira, 30 milioi euro abonatuko dizkie Eroskik interesetan inbertsio tituluak dituztenei.
Erakundeak MFEen lehen jaulkipena egin zuenetik (2002an), kooperatibak zuzen ordaindu dizkie urteko interesak inbertsiogileei; dagoeneko, 453 milioi euro guztira
Erakundeak MFEen lehen jaulkipena egin zuenetik (2002an), kooperatibak zuzen ordaindu dizkie urteko interesak inbertsiogileei; dagoeneko, 453 milioi euro guztira. MFEak eta Mendeko Obligazioak ordaintzeko, zeina ez baita kooperatibaren emaitza ekonomikoen araberakoa, erreferentzia gisa Euriborra gehi hiru puntu hartzen du MFEen 2002ko eta 2004ko jaulkipenetarako eta Mendeko Obligazioetarako eta %2,5eko diferentziala MFEen 2007ko jaulkipenerako.
Abonu horren bitartez, MFEa 2002an hartu zuen inbertsiogile batek dagoeneko hasierako inbertsioaren %96,1 jaso du interesetan, eta %105,1 orain urte bat iraungitzen diren Mendeko Obligazioen trukea egin bazuen. MFEen 2004ko inbertsiogile batek, berriz, %83,6 hartu du dagoeneko interesetan, eta, trukea egin bazuen, %92,7; eta 2007ko batek bere inbertsioaren %58,3 jaso du, edo %66,4, trukea egin bazuen.
2024. urterako, interes tasa %6,553an geldituko da (%3,553+ %3ko diferentziala) MFEen 2002ko eta 2004ko jaulkipenetarako eta Mendeko Obligazioetarako, eta %6,053an (%3,553 + %2,5eko diferentziala) 2007korako, eta guztiak abonatuko dira datorren urtean.