Irakurriena
- 1. Niche Mobilityk 1,6 milioi euroko inbertsio erronda itxi du Copreci eta MONDRAGONekin
- 2. Auzitegi Gorenak ere atzera bota du Fagor Etxetresnakeko eta Edesako bazkide talde batek MONDRAGONen aurka jarritako erreklamazioa
- 3. MONDRAGONen Komunikazio Foroaren 7. edizioa, maiatzaren 8an Huhezin
- 4. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 5. Yolanda Diaz Lan eta Gizarte Ekonomia ministroa Coprecin egon da
- 6. MSI Taldeak urteko ETE industrial onenaren saria jaso du
Interkooperazio eta elkartasun mekanismoen balioa, TU Lankideren azaleko gaia

Biderkatzen duen batura. Hiru hitz horiek ondo definitzen dute MONDRAGONen ideia. Arizmendiarrietak beste era batera esan zuen: "Batasuna, denon indarra multiplikatzen duen palanka". MONDRAGON lankidetza da, eta denborak erakutsi dizkigu ehun horren abantailak.
TU Lankideren 623. zenbakian modu didaktikoan azaltzen da MONDRAGONen finantza-lankidetzaren eta elkartasunaren ekosistema.
Elkarrizketak
Portadako gaiaz gain, aldizkariak elkarrizketa interesgarriak eskaintzen ditu. Iñaki Gabilondo kazetari ezagunak Arizmendiarrietaren pentsamenduaz hitz egin digu, haren heriotzaren 46. urteurrena dela eta; eta Irati Jimenez idazle eta Euskadi Literatura Saria jaso berriak euskal literaturaren osasunaz hitz egin digu, Begiak zabalduko zaizkizue saiakera sarituaren harira.
Erreportajeak
Erreportajeen artean, Novaltyrena dugu; Biurrarena kooperatibak sortutako aparkaleku seguru, jasangarri eta modulagarria da. Eta enpresa-erreportajean, Lortek zentro teknologikoa bisitatu dugu, fabrikazio-prozesuen digitalizazioan ezagutza bikaina sortzen duena, industria-sarera transferitzeko eta, horrela, lehiakortasuna eta jasangarritasuna hobetzeko.
Goian aipatutakoez gain, beste irakurketa, iritzi eta bitxikeria batzuez gozatzeko aukera izango da TU Lankideren 623. zenbakian.
Aldizkaria ikusi: https://www.tulankide.com/eu/papereko-edizioa