Coprecik 2020ko hornitzaile onenaren saria jaso du Rationalen eskutik

Rational, sukaldaritzaren merkatuan liderra den funtzio anitzeko labeen fabrikatzaileak, hornitzaileentzako sari-banaketa ekitaldia egin zuen joan den astean, eta Coprecik 2020ko hornitzaile berri onenaren saria jaso zuen, iCare System garbiketa-sistema berria garatzeagatik.
Card image cap
2021/06/03

ICombi Pro labe berriaren berritasun nagusia, labean sartu, zigilatu, parrillan erre eta lurrunetan erretzea ez ezik, garbitzeko duen sistema iraultzailea da. Beraiek definitzen duten bezala, "An amazing cleaning system" da: uraren % 30 aurrezten du, baita energiaren % 25 ere; gainera,  produktu kimikoen erabilera murrizten du eta programa ultra-azkarra dauka. Adibidez, labean tarteko garbiketa ultra-azkarra egitea ahalbidetzen du, 12 minututan,  jardunaren erdian, lanean jarraitzeko.

RATIONAL3.jpg

iCareSystem maila guztietan erronka izan da Copreciko ingeniaritza eta fabrikazio lan taldearentzat

Iker Atxikallende Copreciko komertzial arloko arduradunak adierazi duenez, "ICareSystem-ekin erabiltzaileak garbiketa produktuak, ura eta denbora aurrezten ditu, eta higiene eta ingurumen baldintzak betetzen ditu. Garapen hau maila guztietan erronka izan da gure ingeniaritza eta fabrikazio lan taldearentzat".

Rational-i buruz

1973az geroztik, Rational-ek mundu osoko sukaldaritza profesionalerako makina eta ekipoen fabrikazioan dihardu, munduko merkatu-kuotaren % 50 baino gehiagorekin. Rational-ek janaria prestatzeko tresnarik onena eskaini nahi die bere bezeroei. Gaur egun, milioi bat ekipo baino gehiago ditu merkatuan, Alemanian eta Frantzian dituen bi ekoizpen-instalazioetatik fabrikatuta.

Copreciri buruz

Coprecik etxetresna elektrikoetarako soluzioak egiten ditu 1963az geroztik, balbulak, gas- eta indukzio-sistema osoak, eta baita garbigailu eta ontzi-garbigailuetarako motor eta bonben fabrikazioa ere, bai etxetresna elektrikoetarako, bai ekipo komertzial eta industrialetarako.

Bideoa: https://www.youtube.com/watch?v=X4_sYGwJTYA&t=6s

Etxetresna elektrikoetarako osagaiak