C&#x27;Mon Guys, BKI BOX eta NCLIC Shakespeare txapeldun FLL Euskadi-MONDRAGONen

Irakaskuntza unibertsitate zentroa

Kolektibitateentzako sukaldaritza eta garbiketa zerbitzuak

Automoziorako moduluak eta sistemak

Kautxuz eta plastikoz egindako soluzio berritzaileak.

MONDRAGON taldeko makina-erreminta dibisioa

Fastening Solutions, Plastics eta Sarbide Automatikoak

Zortzi kooperatibek osatzen dugu Fagor Taldea

Ikerketa zentro teknologikoa

Ingeniaritza eta arkitektura

Finantza eta aseguru zerbitzuak.

Eraikuntza sektorerako irtenbide berritzaileak

Irtenbide profesionalak.

Centro tecnológico especializado en: • Tecnologías de unión. • Fabricación Aditiva de Metales. • Inspección y Ensayos no Destructivos (END). • Fabricación Inteligente e Industry 4.0.

Erreferentea Automoziorako dekorazioan eta piezen konplexutasun funtzionalean.

Ingeniaritza , instalakuntza eta ingurumena

Zibersegurtasuna.

BKI BOX (Bera Kruz ikastola, Markina-Xemein), NCLIC Shakespeare (NC learning investigation center, Gasteiz) eta C'Mon Guys (Madre de Dios ikastetxea, Bilbo), ikastetxeetako taldeak koroatu dira aurtengo FLL Euskadi-MONDRAGON txapelketan. Apirilaren 11n Burgosen jokatuko den estatu mailako finalerako txartela lortu dute hiru taldeek.

Card image cap — Goian Arrasateko irabazleak; behean Bilboko As Fabrikekoak.

2026/02/28

Zientzia, teknologia eta jai-giroa nagusitu dira gaur FLL Euskadi-MONDRAGON txapelketaren zazpigarren edizioan. Aurten, lehen aldiz, ekitaldia bi agertokitan banatu da: Arrasateko ohiko Iturripen eta Bilboko Mondragon Unibertsitateko As Fabrik campusean. Bi egoitzen artean, ia 500 gaztek (67 talde), ehunka boluntariok eta harmailak bete dituzten senideek goiz ahaztezin bat bizi izan dute, talde-lana eta robotika uztartuz. Zirrara, musika (Xaibor DJ-a eta txaranga lagun) eta elkarrekiko laguntza izan dira Erronka Garbia zigiluaren jasangarritasun-konpromisoarekin ospatutako final honen osagai nagusiak.

Aurtengo edizioan, gazteek lurpeko sekretuak arakatu dituzte UNEARTHED erronkari esker. Arkeologiaren munduan murgilduta, gure iragana ulertu eta etorkizun hobe bat eraikitzeko proiektu berritzaileak garatu dituzte Euskal Autonomia Erkidegoko 68 ikastetxetako 3.400 ikasletik gorak. Hilabeteetako lanaren ostean, ikasleek argi erakutsi dute arazo konplexuei irtenbide sortzaileak emateko gaitasuna dutela, betiere FIRST balioetan (elkartasuna, pentsamendu kritikoa eta inklusioa) oinarrituta.

Gazteen artean bokazio zientifiko-teknologikoak (ZTIM) pizteko helburu horrek bat egiten du erabat MONDRAGONeko kooperatiben filosofiarekin. Hezkuntza-proiektu honi eskutik helduta, zientzia bertatik bertara bizitzeko aukera ematen zaie ikasleei. Horregatik, Innobasquek, Mondragon Unibertsitateak eta MONDRAGONek antolatutako final honek aliantza indartsua osatu du taldeko hainbat kooperatibarekin: Ausolan, Batz, Cikautxo, Danobatgroup, Erreka, Fagor Taldea, Ikerlan, Krean, Laboral Kutxa, Lana, LKS Next, Lortek, Maier, Ondoan eta Orbik. Baita erakundeena ere; Eusko Jaurlaritzaren, Bizkaiko eta Gipuzkoako Foru Aldundien eta Arrasateko Udalaren laguntza.

Azken batean, FLL Euskadiren xedea ikastea, sortzea eta prozesuaz gozatzea da. Lehia osasuntsua bultzatuz, Explore (6-9 urte) mailako talde guztiek euren esfortzua aitortzen duen domina jaso dute, eta Challenge (10-16 urte) mailan, berriz, ikasleen lan bikaina sari desberdinen bidez eskertu da:

Sariak

Arrasate

INGENIERA SOY 1. saria Irabazlearentzat	BKI BOX Bera Kruz Ikastola (Markina-Xemein)
INNOBASQUE 2. saria Irabazlearentzat	NCLIC SHAKESPEARE NC Learning Investigation Center (Gasteiz)
MONDRAGON UNIBERTSITATEA 1. saria FIRST balioentzat	KARRANTZA WARRIORS Centro Kontxa Eskola de Karrantza
EUSKO JAURLARITZAKO ZIENTZIA, UNIBERTSITATE ETA BERRIKUNTZA SAILA 2. saria FIRST balioentzat	BERMIBOT DOBLADIN Sagrado Corazon Ikastetxea Bermeo
EUSKO JAURLARITZAKO HEZKUNTZA SAILA 1. saria Proiektu Berritzailearentzat	ML TEAM Mariaren Lagundia Ikastola (Bergara)
GIPUZKOAKO FORU ALDUNDIA 2. saria Proiektu Berritzailearentzat	BERMIBOT ROCK&ROLL Sagrado Corazon Ikastetxea Bermeo
MONDRAGON 1. saria Robotaren Diseinuarentzat	SANFITEK EARTH San Fidel Ikastola (Gernika-Lumo)
ERREKA 2. saria Robotaren Diseinuarentzat	ARIZMENDI IKERLAN 4 Arizmendi ikastola (Arrasate)
LABORAL KUTXA 1. saria Robotaren Portaerarentzat	SANFITEK EARTH San Fidel Ikastola (Gernika-Lumo)
AUSOLAN Ekintzailetza saria	SANFITEK 2 TADEO JONES San Fidel Ikastola (Gernika-Lumo)
ARRASATEKO UDALA Etorkizun Oparoko Gazteentzat saria	NCLIC PARKS NC Learning Investigation Center (Gasteiz)
KREAN Ingeniaritzan Bikaintasuna saria	BERMIBOT POTOLO Sagrado Corazon Ikastetxea Bermeo
LKS NEXT Entrenatzailearentzat saria	ORBIT Arizmendi Ikastola (Arrasate)
LANA Kidetasun apartari saria	FERROLEGO San Felix (Ortuella)

Bilbao As Fabrik

INGENIERA SOY 1. saria Irabazlearentzat	C’MON GUYS, Madre de Dios Ikastetxea, Bilbao
INNOBASQUE 1. saria FIRST Balioentzat	LOS PARGOLINES ARQUEOLÓGICOS, BilbaoGazte, Bilbao
MONDRAGON UNIBERTSITATEA 1. saria Proiektu Berritzailearentzat	EUSKAL ROBOTAK, Madre de Dios Ikastetxea, Bilbao
EUSKO JAURLARITZAKO ZIENTZIA, UNIBERTSITATE ETA BERRIKUNTZA SAILA 1. saria Robotaren Diseinuarentzat	ARKEBOTS, BilbaoGazte, Bilbao
EUSKO JAURLARITZAKO HEZKUNTZA SAILA 1. saria Robotaren Portaerarentzat	ASTI LEKU 1, Asti Leku Ikastola, Portugalete
BIZKAIKO FORU ALDUNDIA Etorkizun Oparoko Gazteentzat saria	LAURO LH, Lauro Ikastola, Loiu
MONDRAGON Entrenatzailearentzat saria	IRUNE OLIVARES, Los Pargolines Arqueológicos, BilbaoGazte, Bilbao