BIKAIN ziurtagirien heren bat MONDRAGONeko kooperatibek aurtengo edizioan

Danobat, Matz Erreka, Cikautxo eta Eika kooperatibek goi mailako ziurtagiria erdietsi dute edizio honetan.
Card image cap
Lau kooperatibetako ordezkariek jaso dute ziurtagiria.
2017/12/14
63 kooperatibak dute indarrean euskara planen bat eta horien %11k nagusiki euskara du lanhizkuntza eta laurden batek (%26) euskara eta erdara antzera dute.

Aurtengo BIKAINen edizioan guztira 36 ziurtagiri banatu dira eta horietako 11 MONDRAGON Korporazioko kooperatibak eskuratu dute: 4k goi mailako ziurtagiria lortu dute (DanobatMatz ErrekaCikautxo eta Eika), 6k maila ertaineko ziurtagiria (BatzCopreciGoimekMaierOrkli eta UlmaCyE) eta batek oinarrizko maila  (LKS Ingeniería).

Euskararen erabilera, presentzia eta kudeaketa ebaluatzen duen Bikain ziurtagiria 2008an abiatu zen. Harrezkero, beti parte hartu izan dute edizio bakoitzean Korporazioko kooperatibaren batzuk. Horrela, bada, orain arte 34 kooperatibak eskuratu dute Bikain ziurtagiriren bat (15 urre, 27 zilar eta 3 oinarrizko).

Bikain ziurtagiriak 2017

Kooperatibek tinko dihardute euskara lan eremuan ere  zabaltzen joan dadin; hots, euskaldun jendeak lanean ere garapen osoa izan dezan. Izan ere, printzipio kooperatiboen artean, gizarte eraldaketari dagokion atalean “Euskara, hizkuntza nazionala den aldetik, eta euskal kultura suspertzen laguntzea” jasotzen du MONDRAGONek. 

Prestakuntzari dagokionez, euskara plana duten kooperatiben erdiak baino gehiagok (%55) euskara ikasteko aukera ematen die nahi duten lankide guztiei, eta laurden batek (%26) lankide batzuei eskatu ere egiten die. Promozio eta kontratazioari erreparatuta, kooperatiben heren batek baino gehiagok (%36) euskara kontuan hartu du, %13k derrigorrezkotzat jo du kontratazioan, ia laurden batek (%21ek) derrigortasuna lanpostu batzuei aplikatu dizkie eta %19k lanpostu guztiei.

Kautxuz eta plastikoz egindako soluzio berritzaileak.

Makina erremintaren diseinua eta fabrikazioa

Egosketa elektrikorako irtenbideak

Fastening Solutions, Plastics eta Sarbide Automatikoak