Bexen Cardiok Madril kardio-babestu du, hirian etengabe dabiltzan 2.200 desfibriladorerekin

Bexen Cardiok, MONDRAGONeko kooperatibak, bost urtez hornitu, instalatu eta mantenduko ditu EMT Madrilen udal-autobus guztiak ekipatuko dituzten 2.200 desfibriladoreak. Modu horretan, Europako kardio-babeseko sare mugikor handienetako bat osatuko da.

Bizitzak salbatzeko sare mugikorra

Gaur goizean, Cibeles Jauregian aurkeztu da Madril kardio-babesaren erreferente bihurtuko duen proiektua. Bexen Cardio izango da EMT Madriden autobus-flota osoa ekipatuko duten kanpoko desfibriladore automatizatuen (DEA) 2.200 unitateak hornitu, instalatu eta mantentzeaz arduratuko den erakundea. Gailuen instalazioa dagoeneko hasita dago, eta datorren urrian amaituko da.

Udal-autobus guztiak desfibriladore batez hornituta egongo direnez, hiriburuak kardio-babeseko sare mugikor paregabea izango du. Ekipoak etengabe ibiliko dira hirian zehar, eta, horri esker, bihotz-biriketako geldialdi baten aurrean desfibriladore bat eskuratzeko behar den denbora murriztu ahal izango da; funtsezko faktorea da hori bizirauteko probabilitateak handitzeko.

Madrilek kardio-babeseko sare mugikor paregabea izango du. Ekipoak etengabe ibiliko dira hirian zehar, eta, horri esker, bihotz-biriketako geldialdi baten aurrean desfibriladore bat eskuratzeko behar den denbora murriztu ahal izango da; funtsezko faktorea da hori bizirauteko probabilitateak handitzeko.

Pertsonen zerbitzura dagoen teknologia

Bexen Cardiok, estatuko desfibriladoreen fabrikatzaile bakarra den kooperatibak, soluzio integral bat eskainiko du: Reanibex 100 ekipoen hornidura, instalazioa, mantentzea eta bost urtez urrutiko monitorizazioa.

Bexen Cardioko zuzendari nagusi Digna Gonzálezek adierazi duenez, kooperatibarentzat "harrotasun handia da milaka herritarren egunerokotasunera kardio-babesa hurbiltzen duen proiektu honetan parte hartzea". Era berean, azpimarratu du estatuko desfibriladoreen fabrikatzaile bakarra den aldetik, Bexen Cardiok "EMT Madriden beharretara egokitutako soluzio hurbila» eskaintzen duela, «minutu bakoitzak garrantzia duenean bizitzak salbatzen laguntzeko".

Reanibex 100 osasun-arloko prestakuntzarik ez duten pertsonek ere modu erraz, seguru eta intuitiboan erabiltzeko diseinatutako kanpoko desfibriladore automatizatua (DEA) da. Gailuak erabiltzailea urratsez urrats gidatzen du ahozko jarraibideen bidez, bihotz-biriketako bizkortzea (BBB) egiteko laguntzak eskaintzen ditu eta, euskarritik kentzen denean, automatikoki aktibatzen du 112rako abisua, larrialdi-zerbitzuen erantzun azkarra eta koordinatua erraztuz.

Etengabeko monitorizazioa, eguneko 24 orduetan

Proiektuaren elementu bereizgarrietako bat Bexen Cardiok garatutako kardio-babes konektatuko soluzio integrala da. Horri esker, flotan instalatutako 2.200 desfibriladoreen egoera operatiboa denbora errealean eta eguneko 24 orduetan monitorizatu ahal izango da. Ekipo guztien funtzionamenduaren etengabeko jarraipenak edozein gorabehera azkar hautematea eta kudeatzea ahalbidetuko du, une oro erabilgarri eta egoera operatibo egokian daudela bermatzeko.

Proiektuaren elementu bereizgarrietako bat Bexen Cardiok garatutako kardio-babes konektatuko soluzio integrala da. Horri esker, flotan instalatutako 2.200 desfibriladoreen egoera operatiboa denbora errealean eta eguneko 24 orduetan monitorizatu ahal izango da. 

Ekitaldian, halaber, Reanibex 100 desfibriladorearen eta kooperatibak garatutako kardio-babes konektatuko soluzioaren funtzionamenduaren erakustaldia egin da.

MONDRAGONen presentzia

Ekitaldia José Luis Martínez-Almeida Madrilgo alkatea buru izan dela egin da. Harekin batera izan dira Borja Carabante Hirigintza, Ingurumen eta Mugikortasuneko ordezkaria eta Alfonso Sánchez EMT Madriden kontseilari delegatua. MONDRAGONen ordezkari gisa bertaratu dira Javier Amézaga presidenteordea, Ramón Gómez Ugalde Harreman Instituzionaletako zuzendaria eta Digna González Bexen Cardioko zuzendari nagusia.

Amézagak azpimarratu duenez, "MONDRAGONek pertsonen zerbitzura dagoen teknologia aurreratua garatzen du, gizartean eragin positiboa sortuz", eta nabarmendu du horrelako ekimenek kooperatibek benetako beharrei soluzio berritzaileen bidez erantzuteko duten gaitasuna erakusten dutela. Era berean, Bexen Cardiok Madrilgo kardio-babesa garraio publikoaren bidez indartzeko egiten duen ekarpena balioan jarri du, eta Udala zoriondu du "bizitzak salbatzen lagunduko duen ekimen aitzindaria" bultzatzeagatik.

Proiektu honekin, Bexen Cardiok sendotu egin du larrialdi medikoetarako soluzioen erreferente gisa duen posizioa, eta berriro ere erakutsi du MONDRAGONeko kooperatibek gizartean eragin argia duen teknologia garatzeko duten gaitasuna.