Berrikuntza sozialaren bidetik

Emun kooperatibak antolatuta, Berrikuntza Sozialaren Bideak izeneko jardunaldia egin zen asteazkenean Tabakaleran, Donostian. Egun osoko jardunaldia izan zen, goizean hasi eta arratsalderaino, eta bertan, Euskal Herrian berrikuntza sozialean lanean diharduten 34 proiektu ezagutzeko aukera izan zen.

2017/10/27

Hasteko, Yayo Herrerok marko orokorra jarri zien bertatatutakoei, eta jardunaldiari bukaera emateko egunean zehar ateratako ideiak borobildu zituzten mahainguruan Gorka Espiau, eta Itsaso Olaizolak. Ekitaldiari Olatz Olaso, Emuneko zuzendari orokorrak, eman zion hasiera eta hark pasa zion hitza Yayo Herrero, FUHEMeko zuzendari nagusiari. Ondoren, hamar hitzaldi entzun ahal izan ziren, askotariko hizlarirekin: Fagor Taldeko Aritz Otxandiano; Etxahuziako, Kattalin Saint Marie; Arremanitz-eko, Axier Baglieto; Hazitik-Bizilore, Irune Agirregabiria; Brisa del Cantábrico, Nemesio Rasillo; Gakoa kooperatiba, Alis Alonso; Ulma Taldeko presidente, Raul García; Bagarako, Elena Herrarte; Erminetako zentrala, Oihan Mendo; eta Emunen izenean, Amaia Etxaniz.

Izenburu ugari

Egunak izenburu ugari utzi zituen, eta horietako batzuk diran honako hauek:

“Lan munduak Euskal Herriaren berrikuntza sozialean ekarpen handia egin dezake, horretarako eredu bat jarri dugu mahai gainean” Olatz Olaso, Emuneko zuzendari nagusia.

“Kolektiboki pentsatu beharra daukagu, bizitza zentroan jarriko duen berrikuntza bat behar dugu”. Yayo Herrero, FUHEM-eko zuzendari orokorra.

“Aurrera egin nahi badugu, erakundeok eta administrazioek herritarrekin elkarlanerako bideak lantzea ezinbestekoa da”. Amaia Balda, Emuneko Lehendakaria.

“Berrikuntza soziala Euskal Herriko berezko nortasunarekin lotu behar dugu”. Gorka Espiau, Agirre Lehendakaria Center-ekoa.

“Justizia sozialaz hitz egiten ari garen neurrian, interes komunak bilatzea ezinbestekoa da. Hori ere bada berrikuntza”. Itsaso Olaizola, EHUko irakaslea.