TUlankide MONDRAGON

Basque Culinary Centerreko graduko 400 bat ikasle praktiketan ari dira 26 herrialdetako jatetxeetan

2018/06/28

Fakultateko ikasle guztiek –lehen maila egiten dutenetatik hasita laugarrena egiten dutenetara– udan jatetxe nazional eta nazioartekoetan lan egiten dute.
Basque Culinary Centerreko graduko 400 bat ikasle praktiketan ari dira 26 herrialdetako jatetxeetan

Basque Culinary Centerreko Gastronomia eta Sukaldaritza Arteetako Graduko ikasle guztiak (389) uda honetan 26 herrialdetako jatetxe edo sektoreko enpresetan praktikak egiten ari dira.

Horietatik 307 praktikak Espainiako erkidegoetan egiten ari dira, eta gainerako 82ek atzerriko herrialdeetara bidaiatu dute, adibidez: Argentinara, Norvegiara, Hego Koreara, Taiwanera, Txilera, Ameriketako Estatu Batuetara, etab. Fakultate honetako –Mondragon Unibertsitatearen barruan dago– graduko ikasle guztiek, lehen mailatik laugarrenera, jatetxe edo sektoreko enpresaren batean praktikak egiten dituzte, hori baita Basque Culinary Centerren hezkuntza-eredua.

Ikasturtez ikasturte

Hezkuntza-eredu horrek prestakuntza-aldian ikasitakoa eta orduan jasotako gaitasunak benetako munduarekin alderatzeko bidea ematen du, eta esperientzia hori ikasleei lagungarria izango zaie gero gastronomia-sektorean egingo duten ibilbidean. 

Graduak irauten duen bitartean, ikasleek benetako praktiken lau esperientzia izaten dituzte. Lehen mailakoak, 93 ikasle guztira, kanpoko prestakuntza Espainia osoko jatetxeetan egiten ari dira, sukaldean eta jantokian oinarrizko funtzioak betez. Ikasleek, praktikak egiteko, batez ere Euskal Autonomia Erkidegoko (46), Madrilgo (16) eta Kataluniako (8) jatetxeak aukeratu dituzte.

Bigarren mailako ikasleek Espainiako Michelin izar bateko eta biko jatetxeetan egiten dituzte praktikak, sukaldean eta jantokian ardurazko lanak betez. Kasu honetan, praktikak egiteko eskaera gehien jaso dituen autonomia-erkidegoa Katalunia izan da (31), eta, gero, Euskal Autonomia Erkidegoa (19) eta Madril (13).

Hirugarren mailan, praktikak nazioartean egiteko aukera dago, ostalaritza-kateetan, mota guztietako jatetxeetan, kudeaketa-lanetan, jantokiko zuzendaritzan, jatetxeetako partidaburu-lanetan, eta abar. Ikasturte honetako 105 ikasleetatik 55ek praktikak atzerrian egitea erabaki dute; Taiwanen, Thailandian, Faroe Uharteetan, Danimarkan, Italian eta Mexikon, besteak beste. Gainerako 50ak Espainiako hainbat autonomia-erkidegotan ari dira egiten.

Azkenik, laugarren mailako ikasleek (guztira 94), Espainian ez ezik, Bolivian, Kanadan, Kolonbian, Ekuadorren, Perun edo Suedian izan dute beren esperientzia, besteak beste. Gainera, laugarren mailako ikasleak, Gastronomia eta Sukaldaritza Arteetako Graduko laugarren promoziokoak jada graduatu dira, hautatutako espezializazioan sakontzera bideratutako gradu amaierako proiektua egin ondoren.

Ikastaldiko lau mailetan, ikasleek sukaldeko abangoardiarekin, elikagaien industriarekin eta berrikuntza, negozio eta ekintzailetzarekin lotutako irakasgaiak jasotzen dituzte, gastronomiako, sukaldeko eta sukaldaritzako unibertsitateko irakasleen eta profesionalen eskutik.

 

BCC-prácticas en el mundo

Enplegagarritasuna

Itxura guztien arabera, laugarren promozio honen eta ondorengoen etorkizuna oparoa izango da; izan ere, Basque Culinary Centerreko lehen hiru promozioen enplegagarritasun-datuak ezin hobeak dira Estatuko lehen Gastronomia Zientzien Fakultatearen historian.

Hain zuzen ere, Basque Culinary Centerrek lehen hiru promozioei buruz –2015, 2016 eta 2017– egin duen «Gastronomia eta Sukaldaritza Arteetako Graduko titulatuen garapen profesionala» azterlanak erakusten duenez, gradudunen laneratzea ia % 100ekoa da. Azterlanak islatzen duenaren arabera, gradudun horien artean zuzendaritza-postuetan edo bitarteko postuetan daudenen kopurua % 68ra igo da azken promozioan. Ikusi denez, 2017ko promozioan, ikerketa-enpresetan lan egiten duten tituludunen kopuruak gora egin du. Gainera, azken promozioko gradudunen % 20 gestoreak dira eta % 5 gerenteak.

Eguraldia
Asteartea 20 Min: 4
Max: 11
Asteazkena 21 Min: 4
Max: 15
Osteguna 22 Min: 6
Max: 15
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak