Irakurriena
- 1. Eroskiko Kontseilu Errektoreak bonuen jaulkipen bat onartzeko eskatuko dio Batzar Nagusiari
- 2. MONDRAGON Healthek osasunaren merkatuan duen presentzia indartu du
- 3. Fagor Automation, Soraluce eta Danobat Hannoverreko EMO 2023 azokan
- 4. Mondragon Unibertsitateak eta LABORAL Kutxak talentua erakartzeko hitzarmena sinatu dute
- 5. Urriaren 22an egingo dute Mundukideren VIII. lasterketa solidarioa
- 6. "Talentua, berrikuntza eta ekintzailetza dira Mondragon Unibertsitatearen bereizgarriak"
- 7. Hamaika gaztek beren bizitzako abentura biziko dute
- 8. Aldaketa Stirling Zentroan eta Osagaien Dibisioko Berrikuntza zuzendaritzan
- 9. Mondragon Unibertsitateak 14 titulu berri eskainiko ditu hainbat jakintza-arlotan
- 10. IDEKOk piezak mekanizatu bitartean bibrazioak murrizteko teknologia berriak aurkeztu ditu Dublinen
Basque Culinary Centerrek ikerkuntza eta berrikuntza alorrean egiten duen lana Harvard-en aurkeztu du

Basque Culinary Center mundu mailako aitzindaria da zentro bakar batean uztartu dituelako gastronomia-zientziei buruzko unibertsitate bat, Estatuko lehena, eta gastronomiako ikerkuntza eta berrikuntzako zentro bat. Nazioartean erreferentzia bilakatu den eredu bat da, eta Harvarden emandako hitzaldi bateko protagonista ere bai. Bertan, zentroan gauzatutako ikerkuntzaren eta berrikuntza gastronomikoaren diziplinartekotasuna azaldu da.
Zehazkiago, Gastronomia-zientziak: Basque Culinary Centerreko ikerkuntza eta berrikuntzaren dizplinarteko ikuspegia izenburua izan du hitzaldiak eta hiru hizlari arduratu dira gaia azaltzeaz: Joxe Mari Aizega, Basque Culinary Centerreko zuzendaria; Diego Prado, BCulinaryLABeko koordinatzailea (BCC Innovationeko ikerkuntza gastronomikoko laborategia); eta Juan Carlos Arboleya, Gastronomia Zientzietako masterraren koordinatzailea. Ekitaldia Harvard Unibertsitateko Ingeniaritza eta Zientzia Aplikatuen Eskolak ikasleentzat eta sektoreko profesionalentzat antolatutako «Science & Cooking» hitzaldi-zikloaren parte da.
Joxe Mari Aizegak egin ditu aurkezpenak, bertaratuei Basque Culinary Center eta BCC Innovation, munduko Gastronomiako lehen Zentro Teknologikoa, zer diren azalduz. Gainera, jasangarritasunaren, osasunaren eta nutrizioaren, ekintzailetzaren eta proiektuak enpresekin garatzearen inguruan gauzatu diren ikerketen ardatzen berri ere eman du.
Bere hitzartzean, Aizegak Basque Culinary Centerren egindako ikerketa eta berrikuntzaren diziplinartekotasuna nabarmendu nahi izan du, ezagutza soziologiko, historiko, eta kulturalak uztartuz sortzen baitira proiektu zientifiko-gastronomikoak.
Gainera, Basque Culinary Centerrek Mugaritz eta Azti-Tecnaliarekin batera argitaratzen duen «International Journal of Gastronomy & Food Science» aldizkaria aurkeztu dute
Juan Carlos Arboleyaren hitzaldiaren ardatza, aldiz, zientziaren eta sukaldaritzaren arteko elkarrekintza izan da, zientzialari baten ikuspuntutik. Gastronomia Zientzietako masterraren koordinatzaileak ikasleek garatutako proiektuak ere azpimarratu ditu, ezagutza zientifikoaren eta gastronomiari aplikatutako prestakuntza-aldiko ikerkuntzaren garrantzia nabarmenduz. Gainera, Basque Culinary Centerrek Mugaritz eta Azti-Tecnaliarekin batera argitaratzen duen «International Journal of Gastronomy & Food Science» aldizkaria aurkeztu du.
Diego Prado ikertzaile eta irakasleak, bestalde, zientziaren eta sukaldaritzaren arteko elkarrekintza izan du hizpide, sukaldari baten ikuspuntutik. Horrela,. BCulinaryLABen hartzidurei eta basalandareei buruz egiten dituzten ikerketen inguruko xehetasunak eman ditu. Jasangarritasuna ardatz, BCC Innovationeko laborategi gastronomikoak balio gastronomikoko produktuak garatzen ditu, elikagai-hondakinak birbaloratuz, eta produktu berriak sortzen ditu basalandareak erabiliz