TUlankide MONDRAGON

Bartzelonako Teòric jatetxeko Oriol Casals, "VII. BCC-EROSKI saria"ren irabazle

2018/12/03

Sariak jasangarritasuna eta osasuna sustatzen ditu, eta bertako produktuari garrantzia ematen dioten lurraldeetako barietate eta espezie autoktonoak erabiltzeko apustua egiten duten sukaldariak saritzen ditu.
Bartzelonako Teòric jatetxeko Oriol Casals,  "VII. BCC-EROSKI saria"ren irabazle

Basque Culinary Center eta EROSKIk BCC-EROSKI sariaren irabazlea erabaki dute. Sariak, bada, bertako produktua, jasangarritasuna eta osasuna sustatu nahi ditu, Basque Culinary Centerren ikasi duten eta Espainiako lurraldeetako barietate eta espezie autoktonoak erabiltzen dituzten sukaldari nabarmenen lanaren bidez.

BCC-EROSKI sariak proposamen osasungarri, jasangarri eta berritzaileak bilatzen ditu, eta parte-hartzaileen ingurune gertukoenean ekoitzitako elikagaiak jartzen ditu erdigunean. Finalisten konpromiso bikoitza ikusarazten du, bada. Batetik, produktu tradizionalekiko eta horien ekoizleekiko, eta espezie-, barietate- eta zapore-aniztasuna gordetzearekiko konpromisoa. Eta bestetik, elikadura osasungarri eta orekatuarekiko inplikazioa, bertako produktuak osasuna hobetzeko funtsezko elementu direla ulertuta.

Honako hauek izan dira edizio honetako finalistak: Bartzelonako Teòric jatetxeko Oriol Casals eta Kanaria Handiko Las Palmaseko Summum jatetxeko Xabier Blanco, biak ala biak Gastronomiako eta Sukaldaritza Arteetako graduatuak; eta Logroñoko Ikaro jatetxeko Carolina Sánchez eta Iñaki Murúa, Sukaldaritza, Teknika, Produktua eta Sormena Masterreko graduatuak, lehen Michelin izarra lortu berri dutenak.

Irabazleak eta haien errezetak

Finalistek aukeratutako errezetak prestatu dituzte Basque Culinary Centerren instalazioetan. Oriol Casalsek (Teòric, Bartzelona) «Kuia» izeneko bere proposamena egin du. Bestalde, Carolina Sánchez eta Iñaki Murua sukaldariek (Ikaro, Logroño) «Kantauriko legatz-kokotxa konfitatuak, Lumagorri oilasko-eskabetxea, haren azal kurruskaria, granada eta itsasoko barazkiak» prestatu dute.  Xabier Blancok (Summum, Las Palmas Kanaria Handikoa) «Majorero ahuntz gisatua, orburuak eta jogurta» errezeta egin du.

Bertako produktuarekin berritzaile izateko eta jasangarritasuneko eta osasuneko baldintzak aintzat hartuta, sariak erabaki ditu epaimahaiak. Hori horrela, Oriol Casalsd  irabazleak 6.000 euroko saria eta diploma jaso ditu; Xabier Blanco bigarren saridunak 3.000 euro eta diploma jaso ditu; eta Iñaki Murua eta Carolna Sánchez hirugarren saridunek 1.000 euro eta diploma jaso dituzte. Basque Culinary Center Fundazioko patrono den Eroskik babesten ditu sariok. 

Sari-banaketa

Basque Culinary Centerreko zuzendari Joxe Mari Aizegak zera adierazi du sariak banatzeko ekitaldian: «7 urte igaro dira BCC Fundazioko patrono den EROSKIrekin batera sari hau ematen hasi ginenetik. Sariak, bada, bertako produktuak, berrikuntza eta Mondragon Unibertsitatearen Basque Culinary Centerreko graduatuek beren negozioetan egiten duten lan zoragarria sustatzen ditu. Prestakuntzak, ezagutzak eta sentsibilizazioak gastronomia-aniztasuna eta bertako produktua balioztatzea bultzatzeko duten inpaktuaren isla dira hiru finalista handi hauek.»

Eguraldia
Igandea 16 Min: 10
Max: 27
Astelehena 17 Min: 11
Max: 32
Asteartea 18 Min: 15
Max: 34
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak