Badator SAIOKAren zazpigarren edizioa

Ekosistema ekintzailea, irekia eta elkarren arteko lankidetza oinarri izango duena sustatzeko eta jarduera ekintzailearen jauzi kualitatiboa gauzatzeko, MONDRAGON Sustapen Zentroak SAIOKA ekimenaren edizio berri bat aurkeztu du. Erronka da MONDRAGONen jarduera ekintzailean jauzi kualitatiboa gauzatzea. 

Proiektu ekintzaileak garatzeko aukera

SAIOKAk ondorengo aukerak ematen dizkie proiektu ekintzaile bat gauzatzeko interesa duten lan bazkideei: Jarduera ekintzaile bat gauzatzeko behar diren trebetasunak eta gaitasunak hartzea. Enpresa jarduera berri baten negozio eredua diseinatzea eta optimizatzea. Negozio ideia gauzatzeko baliabideak eskuragarri izatea (aholkularitza, finantzaketa, etab.). Enpresa proiektua gauzatzera bideratutako Laneko Plan bat garatzea. 

Parte hartzaileek MONDRAGON barruan antolatutako ekintzaile sarean sartzeko aukera izango dute

Modu osagarrian, SAIOKAk aukera emango die pertsona horiei MONDRAGON barruan antolatutako ekintzaile sarean sartzeko, eta…: Negozio berriak abiarazteko kezka eta grina daukaten beste pertsona batzuk ezagutzeko. Sustapen esperientziak eta baita erronka pertsonal nahiz profesionalak partekatzeko, eta, agian, baita diziplina askoko eta kooperatiba arteko taldeak sortzeko ere, negozio berriak sustatzeko helburuz.

SAIOKA saioak “Boot Camp” edo ‘prestaketa eremu intentsiboa’ delako filosofiari jarraituz egiten dira, eta bi lanaldi oso behar dituzte. Honako ezaugarri hauek dituzten pertsonen bila gabiltza: MONDRAGONeko kooperatiba bateko lan bazkidea izatea. Gutxienez bost urteko lan esperientzia edukitzea. MONDRAGONen enpresa garapenerako estrategiak diren aldetik, ekintzailetzaren eta lankidetzaren aldeko konpromisoa hartzea. SAIOKAren saio guztietara joateko konpromisoa hartzea.

Izen ematea

SAIOKAren saio berri honetan parte hartzeko izena eman beharra dago, 943082215 telefono zenbakira deituta edota ondorengo helbide elektronikora mezu bat bidalita: eventos-mcp@mondragoncorporation.com.