Ausolanek eta Basque Team-ek Aktiba zaitez kanpaina abiarazi dute, haurtzarotik jarduera fisikoa sustatzeko

Ausolanek, Basque Team Fundazioarekin lankidetzan, Aktiba zaitez kanpaina diseinatu du, Euskal Autonomia Erkidegoko ikastetxeetako jantokietan bizi estilo osasungarria eta txikitatik ariketa egitea sustatzeko helburuarekin.
Card image cap
2021/04/07

Aktiba zaitez kanpaina hirugarren hiruhilekoan egingo da, eguerdian bazkaltzeko izaten duten denbora aprobetxatuz. Kanpainak, hain zuzen, ikastetxeetan eguerdiarekin lotutako espazioak dinamizatzea, ingurumenarekiko ohitura osasungarriak eta arduratsuak sustatzea eta hainbat kirol egiteko joera bultzatzea du helburu.

Hiru euskal kirolarien eskutik −Leticia Canales (surfa - Sopela), Odei Jainaga (xabalina jaurtiketa - Eibar) eta Maialen Chourraut (eslalom piraguismoa - Lasarte)−, datozen hilabeteetan, hainbat jarduera eta erronka gauzatuko dira, bazkaldu aurretik edo ondoren, Ausolan eskola jantokietan gozatzeko.

Jarduera eta ariketa horiei esker, ikasleei jakinarazi nahi zaie oso garrantzitsua dela elikadura osasungarria izatea. Era berean, Basque Team kirolarien bidez, gutxiengoen beste kirol batzuk erakutsi eta irakatsiko dira, eta jantokian egon beharreko denbora aprobetxatuko dute jarduera fisikoa beste modu batean lantzeko.

Aktiba zaitez kanpainaren nondik norakoak

Kanpaina apirilaren 12an hasiko da, astelehena, Basque Team Fundazioaren abestiarekin eta koreografiarekin (ikus bideoa), eta ikastetxeak erronkan parte hartzera gonbidatuko dituzte, 2021eko Tokioko Olinpiar Jokoetan parte hartuko duten euskal kirolariak animatzeko koreografia bat eginez.

Azkenik, esan behar da ekimen hau Garapen Iraunkorrerako hiru helbururi lotuta dagoela: Itsaspeko Bizitza, Zero gosea eta Ur garbia eta saneamendua.

Kolektibitateentzako sukaldaritza eta garbiketa zerbitzuak