Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
Arizmendi ikastola ‘New Longevity Summit’ nazioarteko lehen goi-bileran izan da

Arizmendi Ikastolan Haur Hezkuntzatik hasi eta Lanbide Heziketara arteko ibilbidea egin duen Saioa Uribek parte hartu zuen hitzaldi bat emanez.
Saioak joan zen ikasturtean Gizarte eta Kirol Animazioaren Irakaskuntza (GIKAI) heziketa zikloko ikasleek Sasoibiderekin garatutako “Jarduera fisikoa 3.adinean” proiektuaren inguruan landutakoak eta horretatik ikasitakoak kontatu zituen, ehun urte biziko garen gizartean zahartzaro duin baterako gakoak hain zuzen ere; gizarteak beharko dituen Changemaker edo eraldatzaileak, belaunaldien arteko elkarlana, jarduera fisikoaren garrantzia zahartzaroan eta ekintzailetasunak adinik ez duela aipatu zituen, besteak beste.
Ashoka 1981ean sortu zen EEBBn eta 2006 urteaz geroztik Estatuan ari da lanean. Ekintzaile sozialak, changemaker gazteak eta hezkuntza komunitateez osatutako sare erraldoiak osatzen du
Hitzaldia prestatzeko Antonella Broglia publizista eta komunikazioan aditu denaren laguntza eta gidaritza jaso zituen Saioak. Ashoka gizarte-berrikuntzako liderrak identifikatzen, konektatzen eta laguntzen dituen erakundea da, pertsonak eraldatzaile gisa aktibatzea helburu duten ereduetatik ikasten du, eta horiek partekatzen dituzte gizarte konprometitu bat lortzeko. 1981ean sortu zen EEBBn eta 2006 urteaz geroztik Estatuan ere ari da lanean. Ekintzaile Sozialak, Changemaker Gazteak eta Hezkuntza Komunitateez osatutako sare erraldoiak osatzen dute. Ikastetxe Changemaker-en artean kokatzen da Arizmendi ikastola.