800 gazte baino gehiago elkartuko dira otsailaren 28an FLL Euskadi MONDRAGONen final handian

Kolektibitateentzako sukaldaritza eta garbiketa zerbitzuak

Automoziorako moduluak eta sistemak

Kautxuz eta plastikoz egindako soluzio berritzaileak.

MONDRAGON taldeko makina-erreminta dibisioa

Fastening Solutions, Plastics eta Sarbide Automatikoak

Zortzi kooperatibek osatzen dugu Fagor Taldea

Ikerketa zentro teknologikoa

Ingeniaritza eta arkitektura

Finantza eta aseguru zerbitzuak.

Irtenbide profesionalak.

Centro tecnológico especializado en: • Tecnologías de unión. • Fabricación Aditiva de Metales. • Inspección y Ensayos no Destructivos (END). • Fabricación Inteligente e Industry 4.0.

Erreferentea Automoziorako dekorazioan eta piezen konplexutasun funtzionalean.

Ingeniaritza , instalakuntza eta ingurumena

Zibersegurtasuna.

Irakaskuntza unibertsitate zentroa

Otsailaren 28an, 800 gazte baino gehiago elkartuko dira FLL Euskadi MONDRAGONen edizio berrian, Arrasateko eta Bilboko egoitzetan. Aurten, Mondragon Unibertsitatearen Bilbao As Fabrik campusak lehen aldiz hartuko du txapelketa, Arrasateko esperientzia luzea Bilbora ere zabalduz. Finala Iturripe kiroldegia berritu aurreko azken ekitaldi handia izango da, eta ZTIM bokazioak gazteen artean sustatzea izango du helburu nagusi.

2026/02/18

Mondragon Unibertsitateak ofizialki aurkeztu du First LEGO League (FLL) Euskadi txapelketaren aurtengo finala Arrasateko Iturripe kiroldegian. Innobasque Berrikuntzaren Euskal Agentziak 17. aldiz antolatzen duen programa honek mugarri berriak ezarriko ditu aurten; izan ere, Mondragon Unibertsitateak Zorrozaurreko Bilbao As Fabrik campusa gehituko dio txapelketari egoitza berri gisa. Ondorioz, Deustuko Unibertsitatearekin, EHUrekin eta Mondragon Unibertsitatearekin batera antolatzen den final honek inoizko parte-hartzerik handiena izango du.

Aurkezpen-ekitaldian Maider Morras Arrasateko alkateak, Nekane Errasti Mondragon Unibertsitateko Goi Eskola Politeknikoko koordinatzaileak, eta Iñigo Larrea MONDRAGONeko Talentuaren Kudeaketa arduradunak parte hartu dute.

Iturripe

Arrasateko egoitzako parte-hartze datuak ikusgarriak dira aurten ere. 13 ikastetxetako ikasleak elkartuko dira Iturripen, eta guztira 500 ikasle inguru espero dira. Maider Morras alkateak ukitu emozionala eman dio hitzorduari, Iturripe kiroldegiaren etorkizuna aipatzean: "Aurtengo finala berezia izango da, Iturripe kiroldegia oraingo itxurarekin erabiliko den azken aldia izango baita".

Alkateak azaldu duenez, lanak aurten hasiko dira eta datozen bi urte eta erdi inguruan eraikin berriak altxatuko dira. "Iturripeko kiroldegi berria ekimen kultural eta jendetsuak jasotzeko prestatuagoa egongo da. Horregatik, FLL Iturripera itzultzen denerako, tamainako ekimenak hartzeko espazio ezin hobea izango dugu", azpimarratu du Morrasek.

Bilbao As Fabrik

Nekane Errastik aurtengo berritasun nagusia azaldu du: Bilbao As Fabrik campusaren estreinaldia. "Aurten erronka berria dugu: Bilboko campusa zabaltzen dugu egoitza gisa. Guretzako erronka handia da, gizartean bizi dugun aldaketaren isla", onartu du. Bilboko egoitzan 300 neska-mutiko espero dituzte, 6 ikastetxetako 22 taldetan banatuta.

Aurtengo erronka Unearthed lelopean dator. Gazteek gai horrekin lotutako irtenbide berritzaileak bilatu beharko dituzte. Errastik dei berezia egin du amaitzeko: "Oraindik zabalik dago izen-ematea boluntarioentzat; ezinbestekoak dira ekitaldi hau aurrera ateratzeko".
Izena eman daiteke helbide honetan: https://boluntarioakflleuskadi.innobasque.eus.

MONDRAGONen apustua

Iñigo Larreak Korporazioak ZTIM bokazioak sustatzeko duen apustua berretsi du: "STEAM bokazioak sustatu nahi ditugu, batez ere emakumeen artean, gaur egun %18ak bakarrik aukeratzen baitu arlo hau". Larreak nabarmendu duenez, kooperatibek konfiantza osoa dute proiektu honetan eta etorkizuneko lan-eskaintzetarako giltzarri dela gaineratu du.

FLL Euskadi - MONDRAGON torneoaren antolatzaile dira Mondragon Unibertsitatea eta MONDRAGON, Innobasquerekin batera. Aurtengo edizioan MONDRAGONeko kooperatiba hauen babesa du ekimenak: Ausolan, Batz, Cikautxo, Danobatgroup, Erreka, Fagor Taldea, Ikerlan, Krean, Laboral Kutxa, Lana, LKS Next, Lortek, Maier, Ondoan eta Orbik.

Finala, beraz, datorren otsailaren 28an ospatuko da, goizez, bost egoitzatan aldi berean: Mondragon Unibertsitatearen Arrasate eta Bilboko campusetan; EHUren Gasteizko campusean; eta Deustuko Unibertsitatearen Bilbo eta Donostiako campusetan.