2022ko Fabrikazio Aurreratuko Teknologien Berrikuntza Sarietan aipamen berezia jaso du Soralucek

Fabrikazio Aurreratuko eta Digitaleko Teknologien Berrikuntzaren 14. Sariketa egin da aurtengo BIEMHen, eta makina-erremintan, osagaietan, osagarrietan eta tresnetan, fabrikazio aditiboan eta industriari aplikatutako 4.0 kontzeptuetan egindako berrikuntzak saritu dira, besteak beste. Hala, Soralucek epaimahaiaren aipamen berezia jaso du osagaien, osagarrien eta tresnen kategorian, DWS sistema berritzaileagatik, Dynamic Workpiece Stabilizer.

Soraluce liderra da fresaketa, mandrinaketa eta funtzio anitzeko soluzioen teknologien garapenean, eta aurten DWS - Dynamic Workpiece Stabilizer izeneko proiektua aurkeztu du, pieza malguen mekanizazioan sortu ohi diren bibrazio autoeszitatuak (chatter) ezabatzea ahalbidetzen duen gailua; bibrazio horiek piezaren gehiegizko malgutasunean dute jatorria.

DWS, Dynamic Active Stabilizer

Moteltze aktiboko gailu bat da, kontrolagailu batek eta mekanizatu beharreko piezaren gainean jartzen diren eragingailu inertzial batek edo gehiagok osatua. Era berean, sistema patentatua da. Bere onura nagusietako bat azaleko akabera hobetzea da, piezak malgutasun handiagoa duen eremuetan, baita produktibitatea handitzeko aukera ere, sakonera handiagoko iraganak bibrazio-arazorik gabe egiteko aukera ematen baitu. Gailu honen beste abantaila batzuk erabilerraztasuna, hainbat piezatara egokitzeko gaitasuna eta eramangarritasuna dira.