Irakaskuntza unibertsitate zentroa
Irakurriena
- 1. Arizmendiarrieta Gunea zabalik da Otaloran
- 2. Eroski Taldeak 17,8 milioi euroko emaitza positiboa izan du 2026ko lehen hiruhilekoan
- 3. LKS Next-ek 85 milioi euroko langa gainditu du 2025ean eta % 19ko bilakaera izan du 2026ko hasieran
- 4. "Kooperatibismoari kontakizuna falta zaio. Ez istorio faltagatik, baizik eta kodeak ez direlako gaur egungoekin bat etortzen"
- 5. Batzek 69 milioi euroko finantzaketa sindikatua itxi du 2032ra arteko hazkundea sustatzeko
- 6. MONDRAGONek 11.322 milioiko salmentak lortu zituen 2025ean, eta 1.346 enplegu berri sortu
‘MUniversitas’ aldizkariaren erakusketa ibiltaria 20. urteurrena ospatzeko
2005ean jaio zen ‘MUniversitas’ aldizkaria, Mondragon Unibertsitatearen eta Arteman Komunikazioa enpresaren ekimenez. Ordutik lau hilean behin ikasle, enpresa zein kolaboratzaileek puntualki jasotzen dute haien etxe zein lantokietan Unibertsitatearen erronken, proiektuen, protagonisten eta ametsen berri.
Orain, urteurren borobil honetan, erabaki dute argitalpenari duen balioa emateaz gain, aldizkariaren edukiak baliatzea Mondragon Unibertsitateak izan duen bilakaera erakutsi eta protagonistak izan diren guztiei aitortza egiteko.
Hala, lehenik eta behin aldizkariaren eta Unibertsitatearen bizipen eta kontakizunen lagin bat eraman dute erakusketa ibiltari batera: iritziak, erreportajeak, azalak, Alumni, Ikertzen… hainbat atal batzen ditu. Unibertsitateko kolektiboa osatu duten edo osatzen duten pertsona ugari aurkitu daiteke bertan eta 20 urtetan izandako amets, landutako proiektu eta bizi izandako esperientzia ugari jasota daude.
Erakusketa ibiltaria da eta aldi berean bi campusetan egongo da. Otsailaren 13ra arte ikusgai egongo da Goi Eskola Politeknikoaren (Arrasate) 7. eraikinean eta Humanitate eta Hezkuntza Zientzia Fakultateko (Eskoriatza) Dorleta eraikinean.
Behatu erakusketaren agenda eta bestelako ekintzak webgunean.
Irakaskuntza unibertsitate zentroa
