MONDRAGONek zahartzaroaren erronkari erantzuteko duen konpromisoa erakutsiko du 2026ko Adinberri Longevity Forumean

Ingeniaritza eta arkitektura

Irtenbide profesionalak.

Ingeniaritza , instalakuntza eta ingurumena

Osasun eta ongizatean espezialistak.

Erdieroaleak eta TB analogikoa eta digitala hartzeko sistemak

Berogailu, osasun ur bero, ura berotzeko eta etxetresna elektrikoetarako osagaiak

Zaharrei egokitutako altzariak

Kolektibitateentzako sukaldaritza eta garbiketa zerbitzuak

Zaharrei zuzendutako gizarte eta osasun zerbitzuen kudeaketa integrala

Adinekoentzako eta menpekotasuna duten pertsonentzako zerbitzuak eta produktuak.

Nazioarteko enpresa taldea.

MONDRAGONeko 11 kooperatibak parte hartuko dute urriaren 14an eta 15ean Donostiako Kursaalean egingo den topaketan, osasunarekin, ongizatearekin, zaintzarekin eta teknologiarekin lotutako irtenbideak aurkeztuz.

2026/10/07

Datorren astean, Adinberri Longevity Forum 2026 topaketak zahartzaroaren inguruko ekosistemako enpresak, startup-ak, erakundeak eta eragileak bilduko ditu Donostian. Horien artean izango da MONDRAGON, Korporazioko hainbat kooperatibaren ordezkaritza zabalarekin. Parte-hartze horrek erakusten du MONDRAGONek datozen hamarkadetako erronka sozial nagusietako bati ematen dion garrantzia: urte gehiago bizitzea, baina baita hobeto bizitzea ere.

Ordezkaritza KREAN, ONDOAN, Fagor Electrónica, ORKLI, LKS NEXT, GERODAN, ONNERA GROUP, Grupo AUSOLAN, Fagor Healthcare, GSR SCoop eta BIHAR kooperatibek osatuko dute.

Erantzun multidimentsionala

Kooperatiba horien parte-hartzearen bidez, hainbat arlotako irtenbideak erakutsiko dira: ingeniaritza, teknologia eta digitalizaziotik hasi, eta ekipamendu, elikadura, osasun eta arreta eta zaintza zerbitzuetaraino.

Aniztasun horrek MONDRAGONen indargune nagusietako bat erakusten du: ezagutza eta jarduera ezberdinak uztartzeko gaitasuna, zahartzea eta bizitza-luzeera bezalako erronka konplexuei ikuspegi integral batetik erantzuteko.

Aniztasun horrek MONDRAGONen indargune nagusietako bat erakusten du: ezagutza eta jarduera ezberdinak uztartzeko gaitasuna, zahartzea eta bizitza-luzeera bezalako erronka konplexuei ikuspegi integral batetik erantzuteko.

Living Labean eta demo tailerrak

Foroak Living Lab bat izango du, bizitza-luzeerari lotutako irtenbideak ezagutu eta probatzeko esperimentazio-gune gisa. Horrez gain, demo tailerrak ere egingo dira, enpresek beren garapenak modu praktikoan aurkezteko.

Testuinguru horretan, MONDRAGONeko hainbat kooperatibak protagonismo berezia izango dute. KREAN, ORKLI, LKS NEXT, GERODAN, AUSOLAN eta Fagor Healthcare demo tailerretan parte hartzen arituko dira, eta Korporazioko beste erakunde batzuk erakusketa-gunean eta Living Labean izango dira.

Teknologia, osasuna eta zaintza-eredu berriak

Bi jardunaldietan hainbat gai jorratuko dira, besteak beste, adimen artifiziala, datuak, prebentzioa, osasuna, arreta-eredu berriak, zaintza-sistemen iraunkortasuna eta Silver Economy kontzeptua.

Horiek guztiak MONDRAGONeko kooperatibek esperientzia eta gaitasunak dituzten arloak dira, eta, aldi berean, berrikuntzarako eta lankidetzarako aukera berriak irekitzen dituzte.

Hitzaldiez eta erakustaldiez gain, foroak one-to-one bilerak eta networking guneak eskainiko ditu, enpresen, erakundeen eta beste eragile batzuen arteko harremanak sustatzeko eta longebitatearen inguruko proiektu berriak bultzatzeko.

Informazio gehiagorako: https://adinberrilongevityforum.com/language/eu/vista-profesional-eus/

Adinberriri buruz

Adinberri Gipuzkoako Foru Aldundiaren estrategia da, Gipuzkoa zahartzaroaren arloan erreferentziazko lurralde bihurtzeko. Berrikuntzaren, lankidetza publiko-pribatuaren eta ezagutzaren sorreraren bidez, biztanleriaren zahartzearen ondoriozko erronkei eta aukerei erantzutea du helburu, eta osasun, autonomia eta bizi-kalitate handiagoz urte gehiago bizitzeko irtenbide berriak sustatzea.