Euskadiko landa eremuetako nekazaritzako elikagaien eraldaketarako zentroen katalogoa

Saretzen proiektuaren baitan, Euskadiko landa-eremuetako nekazaritzako elikagaien eraldaketarako zentroen katalogoa argitaratu da, euskal landa ingurunean dauden elikagaien eraldaketa zentroak biltzen eta ikusarazten dituen tresna bat.

Nekazaritzako elikagaien landa-eraldaketaren errealitatea hobeto ezagutzeko eta sektoreko eragileen artean sinergiak sortzen laguntzeko baliabide bat.

Argitalpenak eraldaketa zentroei buruzko informazio interesgarria biltzen du:

• Eraldaketa-zentro mota
• Ekoizten dituzten produktuak
• Produkzio ekologikoa duen edo ez
• Osasun-baimen mota

Informazio hori eskura jartzeaz gain, katalogoak tresna dinamiko bat izan nahi du, etengabe eguneratzen ari den euskarri bat. Horregatik, ekimenean parte hartu nahi duten ekoizleek edozein momentutan egin dezakete bat egitasmoarekin.

Landa ingurunea indartzeko lankidetza

Kooperazio proiektu hau landaguneetan elikagaiak eraldatzeko zentroak dituzten ekoizle txikiei tresna eta ezagutza berriak eskaintzeko helburuarekin sortu da, hainbat erronkari aurre egiten laguntzeko, hala nola produktuen dibertsifikazioa, merkatuaren eskaeretara egokitzea eta merkaturatzeko estrategiak hobetzea.

Beharrizan komunak identifikatuz, esperientziak trukatuz eta lankidetza dinamikak garatuz, SARETZENek berrikuntza sustatu nahi du, sektorearentzat ezagutza baliagarria sortuz eta Euskadiko nekazaritzako elikagaien ekoizle txikien lehiakortasuna indartuz.

Ekimena Europar Batasunak eta Eusko Jaurlaritzak finantzatzen dute, eta landa ingurunearen garapen jasangarrian laguntzea du helburu, berrikuntzaren, lankidetzaren eta nekazaritzako elikagaien ekoizle txikientzat aukera berriak sortuz.

Katalogoa hemen kontsultatu eta deskargatu daiteke.