Hamabost urte kooperatibismoan formazioa eskaintzen

Ostiralean, irailak 30, eman zitzaion hasiera Kooperatibagintzan aditu tituluaren 15. edizioari. Oraingoan, 14 kooperatibetatik etorritako 23 lagunek hartuko dute parte. Saio presentzialak ostiraletan izango dira, Eskoriatzako campusean.

Hamabosgarren edizio honetan, honako kooperatibetatik etorritako 23 bazkidek hartuko dute parte: RPK, Ulma Construcción, Ulma Handing, Eika, Maier, Fagor Ederlan, Eroski, Fagor Arrasate, Fagor Industrial, Fagor Automotion, Fagor Elektronika, Mondragon Assembly, Fagor Taldea eta Ausolan.

Kooperatibismoa biziberritzen

Ikastaro honek lortu nahi du partaideen artean kooperatibaren proiektu sozio-enpresariala indartzea, betiere, dimentsio kooperatibo edo sozialaren garapenean begirada jarriz. Horretarako, ikasturtean, errealitate kooperatiboa ulertu eta aztertzeko, ezagutza teoriko-praktiko sendoa jasoko dute ikasleek.

Kooperatibisten eta kudeaketa organoetako kideen formazioan erreferente bilakatu den ikastaro hau antolatuta dago Mondragon Unibertsitateko LANKI Kooperatibismoaren Ikertegia eta Mondragon Taldeko Otalora formazio zentroaren artean eta guztira, abian jarri zenetik, 300 lagun baino gehiago aritu dira

Aditu titulu honetan, parte-hartzaileek jasoko dituzte erremintak kooperatiben proiektu sozio-enpresarialaren garapenerako baliagarriak izango direnak. Gainera, elkarlana eta bizipenak trukatuta, beste kooperatibetako esperientziak ezagutzeko eta horien gaineko hausnarketa egiteko aukera izango dute. Ikastaro oso praktikoa da eta ikasturtea bukatuko dute proiektu praktiko bana eginda (hemen ikus daiteke aurreko edizio bateko proiektu aurkezpenena eta itxiera saioa).

Argazki galeria: https://flic.kr/s/aHBqjA9css